ટાટા કંપની ઇલેક્ટ્રિક વ્હીકલ્સ માટે સ્થાપશે ચાર્જિંગ સ્ટેશન, આ છે ડીલની વિગતો

ટાટા ગ્રુપની બે કંપનીઓએ મોટો સોદો કર્યો છે. વાસ્તવમાં, ટાટા પાવર રિન્યુએબલ એનર્જી લિમિટેડની પેટાકંપની, ટાટા પાવર EV ચાર્જિંગ સોલ્યુશન્સ લિમિટેડે ટાટા મોટર્સ સાથે કરાર પર હસ્તાક્ષર કર્યા છે. આ હેઠળ, મુંબઈ, દિલ્હી, ચેન્નાઈ, બેંગલુરુ અને કોલકાતા જેવા મેટ્રો શહેરોમાં ઇલેક્ટ્રિક કોમર્શિયલ વ્હીકલ્સ (E-CB) માટે 200 ફાસ્ટ-ચાર્જિંગ સ્ટેશન સ્થાપિત કરવામાં આવશે.

ડીલના ઘણા મોટા ફાયદા

ટાટા પાવરે સ્ટોક એક્સચેન્જને જણાવ્યું હતું કે વર્તમાન ભાગીદારીમાં નાના ઇલેક્ટ્રિક કોમર્શિયલ વ્હીકલ્સ માટે ચાર્જિંગ સુવિધાઓ પર વિશેષ ધ્યાન આપવામાં આવશે. આ પહેલ હેઠળ, ટાટા મોટર્સ અને ટાટા પાવર મળીને ટાટા મોટર્સના ઇલેક્ટ્રિક કોમર્શિયલ વ્હીકલ માલિકોને વિશેષ ચાર્જિંગ ટેરિફ ઓફર કરશે. આનાથી વ્હીકલ માલિકોના સંચાલન ખર્ચમાં ઘટાડો થશે અને તેઓ વધુ લાભ મેળવવા સક્ષમ બનશે. તમને જણાવી દઈએ કે દેશમાં ઈલેક્ટ્રિક કોમર્શિયલ વ્હીકલ્સના વપરાશકારોને ટૂંક સમયમાં સ્ટ્રેટેજીક લોકેશનોએ લગભગ 1000 ફાસ્ટ ચાર્જરનો લાભ મળશે, કારણ કે ચાર્જિંગ નેટવર્કને ઝડપથી વિસ્તરણ કરવાની યોજના પર કામ ચાલી રહ્યું છે.

ડીલનો સમય ઘણો ખાસ