ટાટા પંચનો નવો રેકોર્ડ: 4 વર્ષમાં 6 લાખ યુનિટનું પ્રોડક્શન

Tata Punch: ટાટા મોટર્સની પોપ્યુલર સબ-કોમ્પેક્ટ SUV પંચે લોન્ચના માત્ર 4 વર્ષમાં 6 લાખ યુનિટના પ્રોડક્શનનો આંકડો પાર કરી નવો ઈતિહાસ રચ્યો છે. આ સિદ્ધિ ટાટા મોટર્સ માટે માત્ર એક મોટી સફળતા નથી, પરંતુ ભારતના ગ્રાહકોના વિશ્વાસનું પણ પ્રતીક છે. કંપનીએ આ સફળતાને ‘ઈન્ડિયા કી SUV’ ટેગલાઈન સાથે ઉજવી છે. NCR વિસ્તારે પંચના કુલ પ્રોડક્શનમાં 13%નું યોગદાન આપ્યું છે, જે તેને સૌથી વધુ પસંદગી મેળવનારા વિસ્તારોમાં સામેલ કરે છે.

લોન્ચથી લઈને પોપ્યુલરતા સુધી

ટાટા પંચને ઓક્ટોબર 2021માં લોન્ચ કરવામાં આવી હતી. ત્યારથી તે અનેક મહિનાઓ સુધી ભારતની ટોપ-સેલિંગ કાર રહી છે. વર્ષ 2024માં તે દેશની સૌથી વધુ વેચાતી કાર બની. ટાટા મોટર્સના જણાવ્યા અનુસાર, પંચને દેશના દરેક ખૂણેથી શાનદાર પ્રતિસાદ મળ્યો છે. આ SUV ભરોસો, સ્ટાઈલ અને સ્માર્ટ પસંદગીનું પ્રતીક બની ગઈ છે.

પંચના ગ્રાહકોમાં 24% ટિયર 1 શહેરો, 42% ટિયર 2 અને 34% ટિયર 3 શહેરોના લોકો સામેલ છે. પેટ્રોલ અને CNG મોડેલ ખરીદનારા મોટાભાગના ગ્રાહકો પહેલી વખત કાર ખરીદે છે. Punch EV ખરીદનારાઓમાં 25% મહિલાઓ છે, જે તેની યુનિક ડિઝાઈન અને અપીલ દર્શાવે છે.

સુરક્ષા અને ટેક્નોલોજીમાં નંબર વન

પંચ પેટ્રોલ, CNG અને ઈલેક્ટ્રિક એમ ત્રણ પાવરટ્રેન ઓપ્શન્સમાં ઉપલબ્ધ છે. તેના ICE (Internal Combustion Engine) અને EV વેરિયન્ટ્સને Global NCAP અને Bharat NCAP બંનેમાં 5-સ્ટાર સેફ્ટી રેટિંગ મળી છે, જે તેને સેગમેન્ટની સૌથી સુરક્ષિત કાર બનાવે છે.

બજારમાં દબદબો