ઈલોન મસ્ક અને વિદેશ મંત્રી માર્કો રુબિયો વચ્ચે DOGE કાપને લઈ ટક્કર...જાણી લો સમગ્ર મામલે ટ્રમ્પે શું કહ્યું?

અમેરિકી રાષ્ટ્રપતિના બે કેબિનેટ સાથીદારો વચ્ચેના કથિત ઝઘડા અંગે ડોનાલ્ડ ટ્રમ્પની પહેલી પ્રતિક્રિયા સામે આવી છે. મીડિયામાં એવા અહેવાલો આવ્યા હતા કે કેબિનેટ બેઠક દરમિયાન, ટ્રમ્પની સામે એલોન મસ્ક અને વિદેશ પ્રધાન માર્કો રુબિયો વચ્ચે ખૂબ જ ગરમાગરમ ચર્ચા થઈ હતી. પરંતુ રાષ્ટ્રપતિ ટ્રમ્પે આ બે કેબિનેટ સાથીદારો વચ્ચે કોઈપણ પ્રકારના સંઘર્ષના અહેવાલોને નકારી કાઢ્યા છે.

મીડિયા રિપોર્ટ્સ અનુસાર, ટ્રમ્પની સામે DOGE કટને લઈને એલોન મસ્ક અને માર્કો રુબિયો વચ્ચે ઉગ્ર ચર્ચા થઈ હતી. એવો દાવો કરવામાં આવ્યો હતો કે બંને નેતાઓ વચ્ચેની ચર્ચા દરમિયાન ટ્રમ્પ હાજર હતા. પરંતુ હવે ટ્રમ્પે કહ્યું છે કે બંને નેતાઓ વચ્ચે લડાઈના સમાચાર ખોટા છે.

ટ્રમ્પે આપ્યું નિવેદન

જ્યારે ટ્રમ્પ સમક્ષ એલોન મસ્ક અને માર્કો રુબિયો વચ્ચેની લડાઈ અંગે ચર્ચાઓએ જોર પકડ્યું, ત્યારે અમેરિકન રાષ્ટ્રપતિએ આગળ આવવું પડ્યું. ટ્રમ્પે ભારપૂર્વક જણાવ્યું હતું કે DOGE કટ અંગે એલોન મસ્ક અને માર્કો રુબિયો વચ્ચે કોઈ સંઘર્ષ નથી. રાષ્ટ્રપતિ ડોનાલ્ડ ટ્રમ્પે વ્હાઇટ હાઉસ ખાતે કેબિનેટની બેઠક દરમિયાન મોટા પાયે સરકારી કાપને લઈને એલોન મસ્ક અને સેક્રેટરી ઓફ સ્ટેટ માર્કો રુબિયો વચ્ચેના ઘર્ષણના અહેવાલોને નકારી કાઢ્યા હતા. તેમણે પત્રકારોને જણાવ્યું કે તેમની વચ્ચે "ખૂબ સારી મિત્રતા" છે.