મુંબઈમાં આતંકવાદી હુમલાની દહેશત, ડ્રોન, પેરા મોટર, હેન્ડ ગ્લાઈડર પર પ્રતિબંધ, કલમ 144 તાત્કાલિક લાગુ

મહારાષ્ટ્રના મુંબઈમાં આતંકી હુમલાની આશંકા વ્યક્ત કરવામાં આવી રહી છે. એવી શક્યતા છે કે આવા સ્થળોએ આ હુમલા થશે. જ્યાં એક સાથે અનેક લોકોને નુકસાન થઈ શકે છે અથવા VVIP લોકો પર પણ હુમલો થઈ શકે છે. આ કારણોસર પોલીસે કલમ 144 લાગુ કરવાની સાથે આકાશમાં ઉડતા ડ્રોન વગેરે પર પણ પ્રતિબંધ લગાવી દીધો છે. જેથી મુંબઈમાં કોઈપણ પ્રકારની દુર્ઘટના ટાળી શકાય.

એક મહિના માટે કલમ 144 લાગુ

ગ્રેટર મુંબઈ પોલીસ કમિશનર દ્વારા આદેશ જાહેર કરીને મેટ્રોપોલિટન મુંબઈમાં કલમ 144 લાગુ કરવામાં આવી છે. આ આદેશનો તાત્કાલિક અસરથી અમલ કરવામાં આવ્યો છે. જેમાં કલમ 144, 20 ડિસેમ્બરથી 18 જાન્યુઆરી સુધી અમલમાં રહેશે. આ સાથે ડ્રોન, પેરા મોટર્સ, હેન્ડ ગ્લાઈડર, હોટ એર બલૂન, રિમોટ કંટ્રોલ માઈક્રો લાઈટ એરક્રાફ્ટ, પેરા ગ્લાઈડર વગેરે પણ ઓપરેટ કરી શકાશે નહીં. કારણ કે તેમના દ્વારા હુમલા થઈ શકે છે. અથવા તેઓ હુમલા માટે વાપરી શકાય છે. જેના કારણે ડ્રોન વગેરે આકાશમાં ઉડી શકશે નહીં.

જાહેર સ્થળોએ હુમલાનો ભય