GST Collections: ભારત સરકારે ગુડ્સ એન્ડ સર્વિસ ટેક્સ એટલે કે GST કલેક્શન સંબંધિત ડેટા જાહેર કર્યો છે. જુલાઈ મહિનામાં સરકારનું GST કલેક્શન 1.65 લાખ કરોડ રૂપિયા હતું. જે એક વર્ષ અગાઉના સમાન સમયગાળા કરતાં 11 ટકા વધુ છે. આ સાથે GST કલેક્શન 5મી વખત 1.60 લાખ કરોડ રૂપિયાને પાર કરી ગયું છે. નાણા મંત્રાલયે એક નિવેદનમાં જણાવ્યું હતું કે જુલાઈ મહિનામાં લોકલ ટ્રાજેક્શન (સેવાઓની આયાત સહિત) ની આવક ગયા વર્ષના સમાન મહિનાની આવક કરતાં 15 ટકા વધુ છે.
GST Collections: જુલાઈમાં GST કલેક્શન 10.8% વધીને રૂપિયા 1.65 લાખ કરોડ થયું, આંકડો પાંચમી વખત 1.60 લાખ કરોડને પાર
GST Collections: જુલાઈમાં GST કલેક્શન એક વર્ષ અગાઉના સમાન સમયગાળા કરતાં 11 ટકા વધુ છે. આ સાથે GST કલેક્શન 5મી વખત 1.60 લાખ કરોડ રૂપિયાને પાર કરી ગયું છે. આ સમયગાળા દરમિયાન લોકલ ટ્રાજેક્શન (સેવાઓની આયાત સહિત) ની આવક ગયા વર્ષના સમાન મહિનાની આવક કરતાં 15% વધુ છે.
MoneyControl Newsઅપડેટેડ Aug 01, 2023 પર 5:25 PM
GST સંગ્રહ સંબંધિત આંકડા
જુલાઈમાં કુલ કલેક્શનમાંથી સેન્ટ્રલ જીએસટી 29,773 કરોડ રૂપિયા છે. વધુમાં, રાજ્ય જીએસટી રૂપિયા 37,623 કરોડ છે અને સંકલિત જીએસટી રૂપિયા 85,930 કરોડ છે, જેમાં માલની આયાત પરના રૂપિયા 41,239 કરોડના સંગ્રહનો સમાવેશ થાય છે. જુલાઈમાં સેસ કલેક્શન રૂપિયા 11,779 કરોડ હતું, જેમાં માલની આયાત પર રૂપિયા 840 કરોડનું કલેક્શન સામેલ છે. સરકારે સીજીએસટીના રૂપિયા 39,785 કરોડ અને આઇજીએસટીમાંથી રૂપિયા 33,188 કરોડ એસજીએસટીને સેટલ કર્યા છે.
રેગ્યુલર સેટલમેન્ટ પછી જુલાઈ 2023ના મહિના માટે કેન્દ્ર અને રાજ્યોની કુલ આવક CGST માટે રૂપિયા 69,558 કરોડ અને SGST માટે રૂપિયા 70,811 કરોડ છે.
નિષ્ણાતનું નિવેદન
પરાગ મહેતા, ભાગીદાર, પરોક્ષ કર, N.A. શાહ એસોસિએટ્સે જણાવ્યું હતું કે GST કલેક્શનમાં સતત વધારો એ સંકેત છે કે બોર્ડ હવે ગ્રાહકોના લાભ માટે અનેક સામાન અને સેવાઓના દરોને તર્કસંગત બનાવવાની દરખાસ્ત પર વિચાર કરી રહ્યું છે. તેમણે વધુમાં જણાવ્યું હતું કે આગામી બે-ત્રણ મહિનામાં તહેવારોની સિઝનની શરૂઆત સાથે, ઘર, કાર, રજાઓ અને અન્ય ઉપભોક્તા વસ્તુઓ પર ખર્ચમાં વધારો થવાને કારણે માસિક GST કલેક્શન વધશે.
પહેલા મનીકંટ્રોલ ગુજરાતી પર ગુજરાતીમાં સ્ટોક માર્કેટ, Stock Tips, સમાચાર, પર્સનલ ફાઇનાન્સ અને બિઝનેસ સંબંધિત સમાચાર વાંચો. દૈનિક બજાર અપડેટ્સ માટે Moneycontrol App ડાઉનલોડ કરો.