Kutch Gujarat News: કચ્છના અંજારમાં 15 પરિવારોના ઝૂંપડાને આગ ચાંપવામાં આવતા અને તમામને જીવતા સળગાવવાનો પ્રયાસ કરવામાં આવતા ખળભળાટ મચી ગયો હતો. ખત્રી બજાર પાસે મજૂરોની ઝૂંપડપટ્ટીઓ આવેલી છે. જ્યાં વહેલી સવારે એક પાગલ વ્યક્તિએ અચાનક આગ ચાંપી દીધી હતી. આગ એટલી વિકરાળ હતી કે ઝૂંપડામાં રહેતા પરિવારોએ સાવચેતી દાખવી પોતાના પરિવાર અને બાળકો સાથે ભાગી છૂટ્યા હતા. પરંતુ મજૂર પરિવારનો તમામ સામાન બળીને ખાખ થઈ ગયો હતો.
Kutch Gujarat News: મફતમાં કામ કરવાની ના પાડતા 15 પરિવારોના ઝૂંપડાંમાં લગાવી દીધી આગ, આરોપીની ધરપકડ
Kutch Gujarat News: કચ્છના અંજારમાં ઝૂંપડાઓને આગ લગાવીને 15 પરિવારોને સળગાવવાનો પ્રયાસ કરાયો હતો. મફતમાં કામ કરવાની ના પાડતા ગુનેગારે 15 પરિવારોની ઝૂંપડીઓ સળગાવી દીધી હતી. સદનશીબે ઘટનામાં તમામનો આબાદ બચાવ થયો હતો.
MoneyControl Newsઅપડેટેડ Mar 19, 2024 પર 10:35 AM
મફતમાં મજૂરી કરાવવાનો આરોપ
અંજારના ખત્રી ચોક મધ્યે ઝૂંપડામાં રહેતા બદ્રીનાથ ગંગારામ યાદવની ફરિયાદ મુજબ અંજારમાં રહેતો આરોપી મહંમદ રફીક કુંભાર તેની આસપાસ રહેતા લોકોને મજૂરી કામ તરીકે લઈ જતો હતો. અને તેણે તેમને વેતન ચૂકવ્યું ન હતું, તો કામદારોએ તેની સાથે કામ કરવાનો ઇનકાર કર્યો હતો. જેના કારણે શનિવારે રાત્રે રફીક ઉશ્કેરાઈ ગયો હતો અને ઝૂંપડીઓ સળગાવી દેવાની અને તને જીવતી સળગાવી દેવાની ધમકી આપી હતી.
રાત્રે લોકો સૂતા હતા ત્યારે આગ લગાવી
આ ઘટના બાદ રવિવારે સવારે આવી ઝૂંપડીમાં રહેતા પરિવારના બાળકો સૂતા હતા ત્યારે ગુનેગાર મોહમ્મદ રફીકે પેટ્રોલિયમ જેવો જ્વલનશીલ પદાર્થ છાંટીને ઝૂંપડાને આગ ચાંપી દીધી હતી. આગ લાગતાની સાથે જ અંદર હાજર પરિવાર જીવ બચાવવા બહાર દોડી ગયો હતો. આગે વિકરાળ સ્વરૂપ ધારણ કરતાં આસપાસના લોકો ત્યાં પહોંચી ગયા હતા અને આગ અંગે ફાયરની ટીમને જાણ કરી હતી. પરંતુ ફાયર બ્રિગેડની ટીમ પહોંચી ત્યાં સુધીમાં બધું બળીને રાખ થઈ ગયું હતું.
તમામ કામદારો બેઘર થયા
ભીષણ આગને કારણે તમામ ઝૂંપડા અને તેમાં રહેલી સામગ્રી બળીને ખાખ થઈ ગઈ હતી અને ઘરવિહોણા બનેલા 15 પરિવારોની મહેનતની કમાણી બળીને રાખ થઈ ગઈ હતી. કામદારો વચ્ચે રહેતી બિલાડી અને 7 બિલાડીના બચ્ચાં પણ બળીને મરી ગયા. આ આગથી રોષે ભરાયેલા લોકો પોલીસ સ્ટેશને પહોંચ્યા હતા અને આવો જઘન્ય ગુનો કરનાર સામે ગુનો નોંધવાની માંગ કરી હતી. આગ લગાડનાર વ્યક્તિ મોહમ્મદ રફીક સામે ફરિયાદ નોંધાયા બાદ પોલીસે હત્યાના પ્રયાસનો ગુનો નોંધી આરોપીની ધરપકડ કરી વધુ તપાસ શરૂ કરી છે.
આ ઝૂંપડાઓમાં લાગેલી ભીષણ આગમાં માનવ જિંદગી બચી ગઇ, પરંતુ આ ઝૂંપડાઓમાં રહેતી 13 વર્ષની પૂજાએ રડતાં રડતાં કહ્યું હતું કે મારી રમકડાની ઢીંગલી બળી ગઈ તેનું મને દુઃખ નથી પણ તેના આગલા દિવસે જ બે બિલાડીઓએ સાત બાળકોને જન્મ આપ્યો હતો, તે બિલાડી અને તેના સાત બચ્ચાના આગમાં મોત થયાનું દુઃખ છે.
પહેલા મનીકંટ્રોલ ગુજરાતી પર ગુજરાતીમાં સ્ટોક માર્કેટ, Stock Tips, સમાચાર, પર્સનલ ફાઇનાન્સ અને બિઝનેસ સંબંધિત સમાચાર વાંચો. દૈનિક બજાર અપડેટ્સ માટે Moneycontrol App ડાઉનલોડ કરો.