EPFO 3.0: નોકરીયાતો માટે બમ્પર ખુશખબર! હવે UPI અને ATM થી પણ ઉપાડી શકાશે PF ના પૈસા, જાણો ઉપાડની લિમિટ અને નવા નિયમો

EPFO 3.0: નોકરી કરતા લોકો માટે કર્મચારી ભવિષ્ય નિધિ સંગઠન તરફથી એક ખૂબ જ મોટા અને રાહત આપનારા સમાચાર આવી રહ્યા છે. સરકાર બહુ જલ્દી 'EPFO 3.0' લોન્ચ કરવાની તૈયારીમાં છે. આ નવા અપગ્રેડ બાદ પીએફ સંબંધિત તમામ સેવાઓ સંપૂર્ણપણે ડિજિટલ, પેપરલેસ અને વધુ પારદર્શક બની જશે.

સૌથી મોટી વાત એ છે કે આ નવી સિસ્ટમ આવ્યા બાદ ઈપીએફઓ મેમ્બર્સ જરૂર પડ્યે સીધા UPI અને ATM નો ઉપયોગ કરીને પણ પોતાના પીએફ ખાતામાંથી પૈસા ઉપાડી શકશે. કેન્દ્રીય શ્રમ અને રોજગાર મંત્રી મનસુખ માંડવિયાએ પુષ્ટિ કરી છે કે આ અત્યાધુનિક સિસ્ટમનું ટેસ્ટિંગ પૂર્ણ થઈ ગયું છે અને ટૂંક સમયમાં જ તેને સત્તાવાર રીતે લાગુ કરવાની જાહેરાત કરવામાં આવશે.

UPI અને ATM થી કેવી રીતે ઉપાડી શકાશે પૈસા?

EPFO 3.0 લાગુ થયા બાદ ખાતાધારકોને લાંબી કાગળિયાની કાર્યવાહીમાંથી મુક્તિ મળી જશે. સબસ્ક્રાઇબર્સ સીધા તેમના આધાર-લિંક્ડ અને સીડેડ બેંક ખાતા દ્વારા ATM અથવા UPI નો ઉપયોગ કરીને તરત જ પીએફની રકમ ટ્રાન્સફર કે ઉપાડી શકશે. આનાથી ક્લેમ સેટલમેન્ટમાં જે વિલંબ થતો હતો તે હવે ભૂતકાળ બની જશે. જોકે, સરકાર દ્વારા આ સુવિધા લાઈવ કરવાની કોઈ સત્તાવાર તારીખ હજુ જાહેર કરવામાં આવી નથી, પરંતુ ગમે ત્યારે તેની શરૂઆત થઈ શકે છે.

પીએફમાંથી કેટલા પૈસા ઉપાડી શકાશે?

જ્યારે આ સુવિધા લાઈવ થશે, ત્યારે નવા નિયમો મુજબ લાયક મેમ્બર્સ તેમના કુલ ઈપીએફ બેલેન્સમાંથી 50% થી 75% સુધીનો હિસ્સો ઉપાડી શકશે. કર્મચારીઓના નિવૃત્તિ સમયની આર્થિક સુરક્ષાને ધ્યાનમાં રાખીને, કુલ ફંડનો ઓછામાં ઓછો 25% હિસ્સો હંમેશા ખાતામાં લોક રહેશે, જેને મેમ્બર્સ ઉપાડી શકશે નહીં. ઈપીએફઓનો મુખ્ય ઉદ્દેશ્ય ભવિષ્યની નાણાકીય સુરક્ષા સુનિશ્ચિત કરવાનો છે.

ઓટો-સેટલમેન્ટની લિમિટ વધારીને 5 લાખ કરાઈ