GST fraud in Agra: ભાડાના રૂમમાંથી ચાલતું હતું આ કૌભાંડ, બેઠા બેઠા જ બે બન્યો કરોડપતિ, સરકારના ખાતામાંથી 134 કરોડ કરી ગયો ચાંઉ

GST fraud in Agra: સેન્ટ્રલ GST (CGST) અને સેન્ટ્રલ એક્સાઇઝની ટીમે આગરામાં 134 કરોડની GST છેતરપિંડીનો ખુલાસો કર્યો છે. ટીમે નકલી કંપનીઓના ધંધામાં સંડોવાયેલા એક મોડ્યુલનો પર્દાફાશ કર્યો છે, જે માલસામાનની સપ્લાય કર્યા વિના ઇનવોઇસ જાહેર કરે છે અને અન્યના નામનો ઉપયોગ કરીને વ્યક્તિગત ચાલુ બેન્ક એકાઉન્ટ્સ દ્વારા નાણાં મોકલે છે.

આ સાથે અનેક કંપનીઓના લેટર હેડ પર જાહેર કરાયેલા નકલી ઈનવોઈસની નકલો, ચેકબુક, બેન્ક પાસબુક, રબર સ્ટેમ્પ અને મોબાઈલ ફોન સહિત અનેક વાંધાજનક ડોક્યુમેનેટ્સ પણ મળી આવ્યા છે. તે જ સમયે, છેતરપિંડીનો મુખ્ય સૂત્રધાર અક્ષય ગોયલની ધરપકડ કરવામાં આવી છે. તપાસમાં અક્ષયે ગુનો કબૂલી લીધો છે.

શું હતી મોડસ ઓપરેન્ડી?

CGST અને સેન્ટ્રલ એક્સાઇઝ, આગરાના કમિશ્નરની ઓફિસ દ્વારા જાહેર કરવામાં આવેલી પ્રેસનોટ અનુસાર, આ રેકેટની મોડસ ઓપરેન્ડી શરૂઆતમાં પરિવારના સભ્યો, કર્મચારીઓ અને મિત્રોના PAN અને આધાર નંબરનો ઉપયોગ કરીને નકલી કંપનીઓ બનાવવાની છે અને પછી માલસામાનની સપ્લાય/આવરણ વિના ટ્રાજેક્શનનું એક જટિલ નેટવર્ક બનાવવું છે. સમગ્ર રેકેટ સર્ક્યુલર ટ્રેડિંગ અને માલસામાનના વાસ્તવિક પુરવઠા વિના વિવિધ કસ્ટમર્સને તેમની વિનંતીઓ અનુસાર ઇનપુટ ટેક્સ ક્રેડિટ (ITC) પસાર કરવાની આસપાસ ફરે છે. આ મુખ્યત્વે અન્ય કરદાતાઓને માલસામાન અને ચુકવણીની કોઈપણ ભૌતિક હિલચાલ વિના ખોટી રીતે ITC મેળવવા અને તેનો ઉપયોગ કરવાની મંજૂરી આપે છે.