LPG Gas Cylinder Subsidy: લોકોના બેન્ક એકાઉન્ટમાં પહોંચી ગેસ સબસિડી, લાખો પરિવારોને ફાયદો થયો

LPG Gas Cylinder Subsidy: રાજસ્થાનમાં વિધાનસભા ચૂંટણી પહેલા અશોક ગેહલોત સરકાર જનતાને રીઝવવામાં કોઈ કસર છોડી રહી નથી. ગેહલોત સરકાર રાજ્યના લોકોને 500 રૂપિયામાં ગેસ સિલિન્ડર આપવાની ગેરંટી આપી રહી છે. રાજ્ય સરકારે સબસિડી પર સિલિન્ડર આપવા માટે 'ઇન્દિરા ગાંધી ગેસ સિલિન્ડર સબસિડી સ્કીમ' શરૂ કરી છે. આ યોજનાનો લાભ લેવા માટે કસ્ટમર્સએ રજીસ્ટ્રેશન કરાવવું પડશે. ગેહલોત સરકાર આ યોજના હેઠળ 500 રૂપિયામાં ગેસ સિલિન્ડર આપી રહી છે. આ યોજના 1 એપ્રિલથી લાગુ કરવામાં આવી છે. સરકારે સબસિડીની રકમ લગભગ 14 લાખ કસ્ટમર્સને ટ્રાન્સફર કરી છે.

રાજ્યના સીએમ અશોક ગેહલોતે એક કાર્યક્રમમાં 14 લાખ કસ્ટમર્સના બેન્ક એકાઉન્ટમાં 60 કરોડ રૂપિયા ટ્રાન્સફર કર્યા છે. આ યોજના હેઠળ, એક વર્ષમાં કુલ 12 સિલિન્ડર રૂપિયા 500ની કિંમતે ઉપલબ્ધ છે. આનાથી વધુ સિલિન્ડર લેવા માટે સામાન્ય કિંમત ચૂકવવી પડે છે. આ સબસિડીની રકમ એપ્રિલ-મે મહિના માટે સિલિન્ડર લેતા લોકોને આપવામાં આવી છે.

આ રીતે તમને મળશે લાભ

રાજસ્થાનમાં મોંઘવારીમાંથી રાહત મેળવવા માટે સરકાર 500 રૂપિયામાં ગેસ સિલિન્ડર આપવાની ગેરંટી આપી રહી છે. આ માટે ઈન્દિરા ગાંધી ગેસ સિલિન્ડર સબસિડી સ્કીમમાં રજીસ્ટ્રેશન કરાવવાનું રહેશે. આ યોજના દ્વારા સરકારે 76 લાખ પરિવારોને મોંઘવારીમાંથી રાહત આપવાનો દાવો કર્યો છે. આ યોજનાનો લાભ લેવા માટે કસ્ટમર્સએ બજાર દરે સિલિન્ડર ખરીદવું પડશે. ધારો કે ગેસ કંપની પાસેથી રૂપિયા1103માં સિલિન્ડર મળ્યો હતો. તેની સંપૂર્ણ ચૂકવણી કરવી પડશે. આ પછી 500 રૂપિયાથી વધુ રકમ સરકાર ચૂકવશે. તે સરકાર દ્વારા ચૂકવવામાં આવશે. એટલે કે 1103 રૂપિયામાં 500 રૂપિયાથી વધુની રકમ, 603 રૂપિયા રાજ્ય સરકાર આપશે.