નોન-બેન્ક કંપનીઓ પણ e-RUPI vouchers કરી શકશે ઈશ્યુ, જાણો શું છે e-RUPI vouchers

RBI એ e-RUPI વાઉચરને લઈને મોટી જાહેરાત કરી છે. સેન્ટ્રલ બેન્કના ગવર્નર શક્તિકાંત દાસે ગુરુવારે આ વિશે જણાવ્યું. તેમણે કહ્યું કે હવે નોન-બેન્ક કંપનીઓ e-RUPI વાઉચર જાહેર કરી શકશે. આનાથી e-RUPI vouchers જાહેર કરતી સંસ્થાઓનો વ્યાપ વધશે. દાસે ફાયનાન્સિયલ પોલીસી રજૂ કરતી વખતે આ વિશે માહિતી આપી હતી. તેમણે કહ્યું કે હાલમાં બેન્કો ચોક્કસ ઉપયોગ માટે e-RUPI વાઉચર જાહેર કરે છે. e-RUPI વાઉચરનો વ્યાપ અને પહોંચ વધારવા માટે એક મોટો નિર્ણય લેવામાં આવ્યો છે. આ અંતર્ગત હવે નોન-બેન્ક પ્રીપેડ પેમેન્ટ ઇન્સ્ટ્રુમેન્ટ્સ (PPI) જાહેર કરતી સંસ્થાઓ પણ વ્યક્તિઓ વતી ઇ-RUPI વાઉચર ઇશ્યૂ કરી શકશે. તેમણે e-RUPI વાઉચર્સ જાહેર કરવાની પ્રોસેસ અને તેના રિડેમ્પશનને આસાન બનાવવા વિશે પણ વાત કરી.

e-RUPI વાઉચર્સ શું છે?

e-RUPI એ ડિજિટલ વાઉચર છે, જે ઓગસ્ટ 2021માં લૉન્ચ કરવામાં આવી હતી. આ માટે NPCIની UPI સિસ્ટમનો ઉપયોગ કરવામાં આવે છે. હાલમાં, બેન્કો ચોક્કસ હેતુઓ માટે કેન્દ્ર અને રાજ્ય સરકારો વતી ઇ-રુપી વાઉચર જાહેર કરે છે. તેઓ કંપનીઓ વતી ઈ-વાઉચર ઈશ્યુ કરે છે, પરંતુ ખૂબ જ મર્યાદિત સંખ્યામાં. e-RUPI વાઉચર્સ સંપૂર્ણપણે કેશલેસ અને નો-કોન્ટેક્ટ ઇલેક્ટ્રોનિક પેમેન્ટ ઇન્સ્ટ્રુમેન્ટ છે. તે લાભાર્થીઓના મોબાઈલ પર જાહેર કરવામાં આવે છે. તે QR કોડ અથવા SMS-આધારિત ઈ-વાઉચરના રૂપમાં જાહેર કરવામાં આવે છે.

ડિજિટલ પેમેન્ટનો વ્યાપ વધારવામાં મદદ કરશે