ટ્રેનમાં 80 અને સ્ટેશન પર 70માં મળશે વેજ બિરયાની, જાણો શું-શું મળશે સાથે!

રેલ મંત્રાલયે પોતાના ઓફિશિયલ X એકાઉન્ટ પર એક પોસ્ટ શેર કરીને વેજ બિરયાનીની કિંમત અને તેની સાથે મળનારી વસ્તુઓ વિશે માહિતી આપી છે. આ પોસ્ટ ખાસ કરીને રેલવે મુસાફરો માટે ઉપયોગી છે, જેઓ ટ્રેન અને સ્ટેશન પર ખાદ્યપદાર્થોની વધુ કિંમતની સમસ્યાનો સામનો કરે છે.

વેજ બિરયાનીની કિંમત અને વિગતો

રેલ મંત્રાલય અનુસાર, રેલવે સ્ટેશન પર 350 ગ્રામની વેજ બિરયાનીની કિંમત 70 રૂપિયા છે, જ્યારે ટ્રેનમાં તે જ બિરયાની 80 રૂપિયામાં ઉપલબ્ધ છે. આ 350 ગ્રામ બિરયાનીમાં 70 ગ્રામ શાકભાજીનો સમાવેશ થાય છે. આ સાથે મુસાફરોને 80 ગ્રામ બ્રાન્ડેડ દહીં અને 12 ગ્રામ અથાણું પણ મળે છે, જેના માટે અલગથી કોઈ ચાર્જ નથી. આ ઉપરાંત, વેજ બિરયાનીના પેકેજમાં ટિશ્યૂ પેપર, સેનિટાઈઝર અને બાયોડિગ્રેડેબલ ચમચી પણ આપવામાં આવે છે.

ઓવર ચાર્જિંગની સમસ્યા અને ઉકેલ

ટ્રેન અને રેલવે સ્ટેશનો પર વેચાતા ખાદ્યપદાર્થોની સાચી કિંમતની માહિતી ન હોવાને કારણે વેન્ડરો ઘણીવાર મુસાફરો પાસેથી વધુ પૈસા વસૂલે છે. આવી ઓવરચાર્જિંગની ફરિયાદોમાં તાજેતરમાં વધારો થયો છે. આ સમસ્યાને ધ્યાનમાં રાખીને રેલ મંત્રાલયે આ માહિતી જાહેર કરી છે, જેથી મુસાફરો સાચી કિંમતે ખાદ્યપદાર્થો ખરીદી શકે.

વેન્ડરની ફરિયાદ કેવી રીતે કરશો?

જો વેન્ડર બિરયાનીની ઓછી માત્રા આપે, દહીં કે અથાણું ન આપે, અથવા નિર્ધારિત કિંમતથી વધુ ચાર્જ કરે, તો મુસાફરો ફરિયાદ નોંધાવી શકે છે. ફરિયાદ કરવા માટે નીચેના વિકલ્પો ઉપલબ્ધ છે: