Budget 2024: બજેટમાં આવી શકે છે 2047સુધીનો 'વિકસિત ભારત'નો રોડમેપ, અપેક્ષા કરતાં વધુ ડિવિડન્ડ મળવાથી સરકારની તિજોરી મજબૂત

Budget 2024: નાણાપ્રધાન નિર્મલા સીતારામન આ મહિને રજૂ થનારા બજેટમાં 2047 સુધીમાં 'વિકસિત ભારત' માટેની બ્લુપ્રિન્ટ અને નાણાકીય એકત્રીકરણ માટેની મધ્યમ ગાળાની યોજના રજૂ કરે તેવી શક્યતા છે. વૈશ્વિક બ્રોકરેજ કંપની મોર્ગન સ્ટેનલીએ એક રિપોર્ટમાં આ અનુમાન લગાવ્યું છે. અહેવાલમાં જણાવાયું છે કે, “આર્થિક રીતે સમજદાર અભિગમ સાથે, અમારું અનુમાન છે કે મહેસૂલ ખર્ચની તુલનામાં મૂડી ખર્ચ પર ભાર રહેશે. ઉપરાંત, ભૌતિક, સામાજિક અને ડિજિટલ ઈન્ફ્રાસ્ટ્રક્ચરની ઍક્સેસમાં સુધારો કરીને લક્ષિત સામાજિક ક્ષેત્ર પર ધ્યાન કેન્દ્રિત કરવામાં આવશે.

રાજકોષીય ખાધનો લક્ષ્યાંક 5.1 ટકા રહેશે

સીતારમણ 23 જુલાઈના રોજ નાણાકીય વર્ષ 2024-25 માટે સંપૂર્ણ બજેટ રજૂ કરશે. બ્રોકરેજ કંપનીએ અનુમાન લગાવ્યું છે કે ચાલુ નાણાકીય વર્ષ માટે રાજકોષીય ખાધનું લક્ષ્ય જીડીપીના 5.1 ટકા રહેશે. આ વચગાળાના બજેટમાં નિર્ધારિત લક્ષ્યાંકને અનુરૂપ છે. ઉપરાંત, સરકાર આગામી નાણાકીય વર્ષ સુધીમાં તેને 4.5 ટકા પર લાવવાના લક્ષ્યને વળગી રહેશે. નાણાકીય વર્ષ 2023-24માં રાજકોષીય ખાધ જીડીપીના 5.6 ટકા હતી.

નાણાકીય મોરચે વધુ સારો અવકાશ