Myntra સામે EDની કાર્યવાહી, રુપિયા 1654 કરોડના વિદેશી રોકાણ કૌભાંડમાં નોંધ્યો કેસ

એન્ફોર્સમેન્ટ ડિરેક્ટોરેટ (ED) એ ઈ-કોમર્સ કંપની Myntra સામે ફરિયાદ નોંધાવી છે. એવો આરોપ છે કે Myntra એ ભારતમાં વિદેશી સીધા રોકાણ (FDI) ના નિયમોનું ઉલ્લંઘન કર્યું છે. ED નું કહેવું છે કે Myntra અને તેની સંલગ્ન કંપનીઓ જથ્થાબંધ વ્યવસાયનો દાવો કરતી વખતે ખરેખર મલ્ટી-બ્રાન્ડ રિટેલ વ્યવસાય (એટલે કે એક સાથે ઘણી બ્રાન્ડ્સનું છૂટક વેચાણ) કરી રહી હતી. એજન્સી અનુસાર, આવી પ્રવૃત્તિઓ FDI નીતિની વિરુદ્ધ છે, કારણ કે ભારતમાં મલ્ટી-બ્રાન્ડ રિટેલ ક્ષેત્રમાં વિદેશી રોકાણ અંગે કડક નિયમો છે. ED એ આ નિયમનું ઉલ્લંઘન કરવા બદલ Myntra સામે કાર્યવાહી શરૂ કરી છે.

ED એ Myntra પર 1,654 કરોડ રૂપિયાના વિદેશી વિનિમય નિયમોનું ઉલ્લંઘન કરવાનો આરોપ લગાવ્યો છે. એજન્સીના જણાવ્યા અનુસાર, મિન્ત્રાએ તેનું મોટાભાગનું વેચાણ વેક્ટર ઈ-કોમર્સ પ્રાઇવેટ લિમિટેડ દ્વારા કર્યું હતું, જે તે જ બિઝનેસ ગ્રુપની બીજી કંપની હતી. ત્યારબાદ વેક્ટરે આ ઉત્પાદનો સીધા ગ્રાહકોને વેચી દીધા. EDનું કહેવું છે કે આનાથી છૂટક વેચાણ (B2C) ને જથ્થાબંધ વેચાણ (B2B) તરીકે દર્શાવવામાં આવ્યું હતું જેથી વિદેશી રોકાણના નિયમોને બાયપાસ કરી શકાય.

આ પણ વાંચો-Parliament Monsoon Session 2025: રાજ્યસભામાં 29 જુલાઈએ 'ઓપરેશન સિંદૂર' પર થશે ચર્ચા, 16 કલાક ચાલશે ચર્ચા