અમેરિકાના રાષ્ટ્રપતિ ડોનાલ્ડ ટ્રમ્પે ભારત પર લાદ્યો 25 ટકા ટેરિફ, રશિયા સાથેના વેપાર માટે દંડની પણ જાહેરાત

Trump Tariffs: અમેરિકાએ બુધવારે ભારત માટે નવા ટેરિફ દરોની જાહેરાત કરી છે. અમેરિકાએ ભારતમાંથી આયાત થતા માલ અને સેવાઓ પર 25 ટકા ટેરિફ લાદવાની જાહેરાત કરી છે. અમેરિકાના રાષ્ટ્રપતિ ડોનાલ્ડ ટ્રમ્પે આજે ભારત માટે નવા ટેરિફ દરોની જાહેરાત કરી છે. ડોનાલ્ડ ટ્રમ્પે રશિયા સાથે વેપાર કરવા બદલ ભારત પર અલગ દંડની પણ જાહેરાત કરી છે. જોકે, આ દંડ કેટલો હશે તે અંગે હજુ સુધી કોઈ જાહેરાત કરવામાં આવી નથી. તમને જણાવી દઈએ કે અમેરિકા 1લી ઓગસ્ટ, 2025 થી બધા દેશો પર નવા ટેરિફ દરો લાદવા જઈ રહ્યું છે.

ડોનાલ્ડ ટ્રમ્પે સોશિયલ મીડિયા પર ટેરિફ દરોની કરી જાહેરાત

ડોનાલ્ડ ટ્રમ્પે તેમના ટ્રુથ એકાઉન્ટ પર લખ્યું, "યાદ રાખો, ભારત અમારો મિત્ર છે, પરંતુ છેલ્લા કેટલાક વર્ષોમાં અમે ભારત સાથે પ્રમાણમાં ઓછો વેપાર કર્યો છે કારણ કે ભારતના ટેરિફ ખૂબ ઊંચા છે, જે વિશ્વમાં સૌથી વધુ છે. ભારતમાં કોઈપણ દેશની તુલનામાં સૌથી કઠોર અને સૌથી અપ્રિય બિન-નાણાકીય વેપાર અવરોધો છે. આ ઉપરાંત, ભારતે હંમેશા રશિયા પાસેથી તેના લશ્કરી સાધનોનો મોટો ભાગ ખરીદ્યો છે. ભારત, ચીન સાથે, રશિયાનો સૌથી મોટો ઉર્જા ખરીદનાર છે, એવા સમયે જ્યારે દરેક ઇચ્છે છે કે, રશિયા યુક્રેનમાં હત્યા બંધ કરે - બધું બરાબર નથી! તેથી, ભારતે 1લી ઓગસ્ટથી રશિયા સાથે વેપાર માટે 25% ટેરિફ અને દંડ ચૂકવવો પડશે. આ બાબત પર ધ્યાન આપવા બદલ આભાર.''

ટ્રમ્પે કેનેડા પર 35 ટકા ટેરિફ લાદ્યો છે

ડોનાલ્ડ ટ્રમ્પે ભારત પહેલાં ઘણા અન્ય દેશો માટે નવા ટેરિફ દરોની જાહેરાત કરી છે. અગાઉ, ટ્રમ્પે કેનેડા પર 35 ટકા ટેરિફની જાહેરાત કરી હતી, 30 અલ્જેરિયા પર ટકા, બ્રુનેઈ પર 25 ટકા, શ્રીલંકા પર 30 ટકા, ઇરાક પર 30 ટકા, લિબિયા પર 30 ટકા, ફિલિપાઇન્સ પર 20 ટકા અને મોલ્ડોવા પર 25 ટકા ટેરિફની જાહેરાત કરી હતી.