1 મહિનામાં રુપિયા 4.79 કરોડ ભાડું ચૂકવશે Google, ભારતના આ શહેરમાં છે ઓફિસ

ગૂગલે તેની બે અલગ અલગ ઓફિસો માટે લીઝ રિન્યુ કરી છે. નવી લીઝ આ વર્ષે જૂનથી શરૂ થશે. રિયલ એસ્ટેટ કંપની સ્ક્વેર યાર્ડ્સે આ લીઝના નોંધણી દસ્તાવેજોની સમીક્ષા કરી છે અને તેનાથી સંબંધિત તમામ મહત્વપૂર્ણ વિગતો શેર કરી છે. કંપનીના જણાવ્યા અનુસાર, આ મહિને ગૂગલે તેની બે અલગ અલગ કંપનીઓ - ગૂગલ ઇન્ડિયા પ્રાઇવેટ લિમિટેડ અને ગૂગલ ક્લાઉડ ઇન્ડિયા પ્રાઇવેટ લિમિટેડની ઓફિસો માટે લીઝ રિન્યૂ કરી છે. તમને જણાવી દઈએ કે ગૂગલ ઈન્ડિયા પ્રાઈવેટ લિમિટેડ અને ગૂગલ ક્લાઉડ ઈન્ડિયા પ્રાઈવેટ લિમિટેડ બંનેની ઓફિસ મુંબઈમાં છે.

ગુગલ બે ઓફિસ માટે 4.79 કરોડ રૂપિયા ભાડું ચૂકવશે

મુંબઈના બાંદ્રા કુર્લા કોમ્પ્લેક્સ (BKC) માં 1.99 એકરમાં ફેલાયેલા ફર્સ્ટ ઇન્ટરનેશનલ ફાઇનાન્શિયલ સેન્ટર (FIFC) ખાતે સ્થિત, આ બે ઓફિસોની કુલ જગ્યા 1,49,658 ચોરસ ફૂટ છે. રિયલ એસ્ટેટ કંપની દ્વારા આપવામાં આવેલી માહિતી અનુસાર, ગૂગલ ઇન્ડિયા પ્રાઇવેટ લિમિટેડની ઓફિસ સ્પેસ બે અલગ અલગ માળ પર કુલ 1,10,980 ચોરસ ફૂટ છે. આ ઓફિસ માટે, ગૂગલે જૂનથી દર મહિને 3.55 કરોડ રૂપિયા ભાડું ચૂકવવું પડશે. બીજી તરફ, ગૂગલ ક્લાઉડ ઇન્ડિયા પ્રાઇવેટ લિમિટેડ પાસે 38,678 ચોરસ ફૂટની ઓફિસ સ્પેસ છે અને તે જ ફ્લોર પર સ્થિત છે. જૂનથી આ ઓફિસનું માસિક ભાડું 1.24 કરોડ રૂપિયા થશે. એટલે કે ગૂગલ તેની બંને ઓફિસ માટે દર મહિને કુલ 4.97 કરોડ રૂપિયા ભાડું ચૂકવશે.

36 મહિના પછી ભાડું 15 ટકા વધશે