RBIએ NBFCsને લોન પર ઘટાડ્યું રિસ્ક વેટેજ, બંધન બેન્ક, ઇન્ડસઇન્ડ બેન્કને થશે સૌથી વધુ ફાયદો

રિઝર્વ બેન્ક ઓફ ઈન્ડિયા (RBI) એ નાના દેવાદારો અને નોન-બેન્કિંગ ફાઇનાન્શિયલ કંપનીઓ (NBFC) માટે લોન નિયમો હળવા કર્યા છે. રિઝર્વ બેન્કે NBFCને લોન આપતી બેન્કો માટે રિસ્કનું વેટેજ ઘટાડ્યું છે. RBIએ રિસ્કનું વેટેજ 125%થી ઘટાડીને 100% કર્યું છે.

નવેમ્બર 2023માં RBIએ NBFCsને પર્સનલ લોન અને બેન્ક ક્રેડિટ સહિત કસ્ટમર ક્રેડિટ 100%થી વધારીને 125% કર્યું હતું. જેને હવે સેન્ટ્રલ બેન્ક દ્વારા 100% પર પાછું લાવવામાં આવ્યું છે. આ એટલા માટે કરવામાં આવ્યું કારણ કે પર્સનલ લોનમાં ભારે વધારો થયો હતો.

તમને આ રીતે લાભ મળશે

જોકે, અમુક શ્રેણીઓને બાકાત રાખવામાં આવી હતી, જેમ કે હાઉસિંગ લોન, જે હાઇ કેપિટલ જરૂરિયાતોને આધીન ન હતી. નવું રિસ્ક વેટેજ 1 એપ્રિલ, 2025થી અમલમાં આવશે. બેન્કિંગ સિસ્ટમમાં આંતરસંબંધોના વધતા રિસ્કો વચ્ચે, રિઝર્વ બેન્કે NBFCs ને તેમના ક્રેડિટમાં ડાઇવર્સિફિકેશન કરવા કહ્યું ત્યારબાદ NBFCsને બેન્ક લોનમાં નોંધપાત્ર ઘટાડો થયો હતો.

NBFCs માટે બેન્ક લોનમાં RBI દ્વારા રિસ્ક વેટેજમાં છૂટછાટ આપવાથી ઇન્ડસઇન્ડ બેન્ક અને બંધન બેન્કને ફાયદો થશે, કારણ કે આ બંને બેન્કો પાસે ખૂબ જ હાઇ માઇક્રોફાઇનાન્સ એક્સપોઝર છે.

વિશ્લેષકો કહે છે કે RBIની છૂટછાટ વધુ અનુકૂળ નિયમનકારી વલણનો સંકેત છે, જે નાણાકીય ક્ષેત્ર માટે ખૂબ જ પોઝિટિવ રહેશે. વિશ્લેષકોએ જણાવ્યું હતું કે અસુરક્ષિત લોન ગ્રોથમાં 25%થી 10% સુધીનો ઘટાડો ઠંડા વલણને દર્શાવે છે. એવી અપેક્ષા રાખવામાં આવે છે કે રિઝર્વ બેન્ક આખરે આ લોન પર RWA (રિસ્ક-વેઇટેડ એસેટ્સ) પણ ઘટાડશે.

મેક્વેરી અનુસાર, બેન્કોના કોમન ઇક્વિટી ટિયર 1 અથવા CET1 રેશિયો પર 20-250 બેસિસ પોઇન્ટની પોઝિટિવ અસર જોવા મળી શકે છે. CET1 એ બેન્કની લિક્વિડિટી અને નાણાકીય ઇમરજન્સીનો સામનો કરવાની તેની કેપેસિટીને માપવા માટેનો એક સ્ટ્રેસ ટેસ્ટિંગ છે. હવે બંધન બેન્ક માટે, CET1 13.8%થી 2.5 ટકા વધીને 16.3% થશે. IndusInd Bank માટે આ રેશિયો 15.2%થી વધીને 15.8% થશે.