શું તમે હ્યુન્ડાઈ મોટરના આઈપીઓમાં કરશો રોકાણ? જાણો શું છે આ મુદ્દે નિષ્ણાતોનો અભિપ્રાય

હ્યુન્ડાઈ મોટર ઈન્ડિયા (HMIL) ટૂંક સમયમાં આઈપીઓ લોન્ચ કરવા જઈ રહી છે. તે ભારતની બીજી સૌથી મોટી કાર ઉત્પાદન કંપની છે. તાજેતરમાં કંપનીએ રેડ હેરિંગ પ્રોસ્પેક્ટસનો ડ્રાફ્ટ ફાઇલ કર્યો છે. આ મુજબ HMILની પેરેન્ટ કંપની હ્યુન્ડાઈ મોટર કંપની અને પ્રમોટર HMILમાં 17.5 ટકા હિસ્સો વેચશે. આ ઇશ્યૂ ઓફર ફોર સેલ હશે. આ ઈશ્યુ રૂપિયા 25,000 કરોડનો હશે. આ ઈસ્યુ ભારતીય બજારમાં કંપનીની કિંમતને અનલોક કરશે. અહેવાલો અનુસાર, હ્યુન્ડાઇ મોટર કંપની (HMC)એ 1990ના દાયકાના અંતથી ભારતીય બજારમાં લાખો ડોલરનું રોકાણ કર્યું છે.

હ્યુન્ડાઈ મોટરની આવક રૂપિયા 59,761 કરોડ

HMILના FY23ના નાણાકીય ડેટા દર્શાવે છે કે કંપનીનો વ્યવસાય નફામાં છે. તેની આવક 59,761 કરોડ રૂપિયા છે. તેની કુલ સંપત્તિ 19,778 કરોડ રૂપિયા છે. એચએમઆઈએલના લિસ્ટિંગથી તેની કોરિયન પેરેન્ટ કંપની એચએમસીના વેલ્યૂએશનમાં પણ વધારો થવાની ધારણા છે. હાલમાં તેના શેરો વૈશ્વિક અને એશિયન ઓટો કંપનીઓની સરખામણીમાં ડિસ્કાઉન્ટ પર ટ્રેડ થઈ રહ્યા છે. એશિયન ઓટો કંપનીઓમાં ટોયોટા પ્રથમ ક્રમે છે. તેનું માર્કેટ કેપિટલાઇઝેશન $267 બિલિયન છે. HMCનું વેલ્યૂએશન $50 બિલિયન છે. M&M, Tata Motors અને Maruti Suzukiનું માર્કેટ કેપિટલાઇઝેશન HMCની નજીક છે.

ભારતીય બિઝનેસનો ગ્રોથ વિશ્વમાં સૌથી ઝડપી

હ્યુન્ડાઈના ભારતીય કારોબારનો વિકાસ અન્ય દેશોમાં તેની પેટાકંપનીઓ કરતા વધુ ઝડપી છે. ભારત માત્ર વિશ્વમાં સૌથી ઝડપથી વિકસતું અર્થતંત્ર નથી પરંતુ તે ચીન અને અમેરિકા પછી વિશ્વનું ત્રીજું સૌથી મોટું કાર બજાર પણ છે. 2024 ના પ્રથમ ક્વાર્ટરમાં HMIL ની ભારતમાં વેચાણ વૃદ્ધિ વાર્ષિક ધોરણે 11.5 ટકા રહી છે. કંપનીના ચેન્નાઈમાં બે પ્લાન્ટ છે. તેમની ક્ષમતાનો ઉપયોગ લગભગ 94 ટકા છે.

CUV માર્કેટમાં એક તૃતીયાંશ બજાર હિસ્સો

કોરિયન પેરન્ટ કંપની HMILને એક મોટું એક્સપોર્ટ હબ બનાવવા માંગે છે. HMIL એ બજારના બદલાતા વલણો અનુસાર પોતાની વ્યૂહરચના બદલી છે. કોમ્પેક્ટ યુટિલિટી વ્હીકલ (CUV) સેગમેન્ટમાં તે લગભગ એક તૃતીયાંશ બજાર હિસ્સો ધરાવે છે. ઇલેક્ટ્રિક વાહનોના મામલામાં પણ તે મોટાભાગની હરીફ કંપનીઓ કરતાં આગળ છે. સમાચારમાં જણાવવામાં આવ્યું છે કે કંપની ભારતમાં ચાર ઈલેક્ટ્રિક વાહનો લોન્ચ કરવા જઈ રહી છે.