Ahmedabad School Bomb Threat: અમદાવાદની 7 જાણીતી સ્કૂલોને બોમ્બથી ઉડાવી દેવાની ધમકી, વાલીઓમાં ફફડાટ અને દોડધામ

* વસ્ત્રાપુરની સ્વયંમ સ્કૂલ

વહેલી સવારે આવ્યો ઈમેલ અને અફરાતફરી મચી

હજુ તો સવારે સ્કૂલો શરૂ જ થઈ હતી અને ગણતરીનો સમય વીત્યો હતો ત્યાં જ સ્કૂલના વહીવટી તંત્રને એક શંકાસ્પદ ઈમેલ મળ્યો હતો. આ ઈમેલમાં સ્કૂલને બોમ્બથી ઉડાવી દેવાની વાત કરવામાં આવી હતી. ઘટનાની ગંભીરતા જોઈને સ્કૂલ મેનેજમેન્ટ દ્વારા જરા પણ વિલંબ કર્યા વગર તાત્કાલિક પોલીસ કંટ્રોલ રૂમને જાણ કરવામાં આવી હતી.

સુરક્ષાના ભાગરૂપે સ્કૂલ દ્વારા તરત જ વાલીઓને ફોન અને મેસેજ કરીને જાણ કરવામાં આવી હતી કે તેઓ પોતાના બાળકોને ઘરે લઈ જાય. અચાનક સ્કૂલેથી બાળકોને લઈ જવાના મેસેજ આવતા વાલીઓ ગભરાઈ ગયા હતા અને મોટી સંખ્યામાં સ્કૂલની બહાર ભીડ જમા થઈ ગઈ હતી.

DPS સ્કૂલે ફોર્મ ભરાવતા વાલીઓ પરેશાન

આ ગંભીર માહોલ વચ્ચે બોપલની DPS સ્કૂલ ખાતે એક અલગ જ દ્રશ્ય જોવા મળ્યું હતું. અહીં પણ વાલીઓને બાળકોને લઈ જવા માટે બોલાવવામાં આવ્યા હતા, પરંતુ જ્યારે વાલીઓ પહોંચ્યા ત્યારે સ્કૂલ પ્રશાસન દ્વારા તેમની પાસે ‘સંમતિ ફોર્મ’ (Consent Form) ભરાવવામાં આવ્યા હતા. બોમ્બની ધમકી જેવી ગંભીર ઘટના સમયે પણ આ પ્રકારની કાગળની કાર્યવાહીથી વાલીઓ પેનિકમાં આવી ગયા હતા અને ઘણી જગ્યાએ રોષ પણ જોવા મળ્યો હતો. વાલીઓનું કહેવું હતું કે આવા સમયે પહેલી પ્રાયોરિટી બાળકોને સલામત બહાર કાઢવાની હોવી જોઈએ.

પોલીસ અને બોમ્બ સ્ક્વોડનું સર્ચ ઓપરેશન

ધમકી મળ્યાની જાણ થતા જ અમદાવાદ ક્રાઈમ બ્રાન્ચની ટીમો તાત્કાલિક અસરથી સ્કૂલો પર પહોંચી ગઈ હતી. હાલમાં બોમ્બ ડિસ્પોઝલ સ્ક્વોડ (BDDS) અને ડોગ સ્ક્વોડની મદદથી સ્કૂલના ખૂણેખૂણાની તપાસ કરવામાં આવી રહી છે. પોલીસ દ્વારા ક્લાસરૂમ, મેદાન, લોબી અને પાર્કિંગ એરિયામાં ઝીણવટભરી તપાસ હાથ ધરવામાં આવી છે. અત્યાર સુધી કોઈ શંકાસ્પદ વસ્તુ મળી હોવાના અહેવાલ નથી, પરંતુ તકેદારીના ભાગરૂપે સઘન ચેકિંગ ચાલુ છે.

આ પણ વાંચો- ટેક્સટાઇલ માર્કેટમાં ભારતનો ડંકો: બાંગ્લાદેશનું ટેન્શન વધારશે સરકારનો આ ‘માસ્ટર પ્લાન’, 2030 સુધીમાં 100 અબજ ડોલરનો ટાર્ગેટ