અમેરિકાની ‘ગેમ'? ભારતના નકશામાં PoK અને અક્સાઈ ચીન બતાવ્યું, પછી અચાનક પોસ્ટ ડિલીટ મારી! જાણો શું રંધાયું?

પોસ્ટ ડિલીટ થતાં અનેક તર્ક-વિતર્ક

જોકે, ભારતીયો ખુશ થાય તે પહેલાં જ થોડા સમયમાં USTR એ આ પોસ્ટ ડિલીટ કરી નાખી. પોસ્ટ હટાવી લેવાતા સોશિયલ મીડિયા પર ચર્ચાઓ શરૂ થઈ ગઈ છે. નિષ્ણાતો માની રહ્યા છે કે આ નકશો મૂકવો અને પછી હટાવવો એ કોઈ રાજદ્વારી દબાણનું પરિણામ હોઈ શકે છે અથવા તો ચીન અને પાકિસ્તાનને સંદેશ આપવાની કોઈ રણનીતિ પણ હોઈ શકે. અમેરિકાના આ 'યુ-ટર્ન' પર અત્યારે કોઈ સત્તાવાર ખુલાસો કરવામાં આવ્યો નથી.

ભારતનું સ્ટેન્ડ એકદમ ક્લિયર

નકશાની બાબતમાં ભારતનું વલણ હંમેશા સ્પષ્ટ અને કડક રહ્યું છે. ભારત આંતરરાષ્ટ્રીય મંચ પર ડંકાની ચોટ પર કહેતું આવ્યું છે કે આખું જમ્મુ-કાશ્મીર અને લદ્દાખ (જેમાં અક્સાઈ ચીન અને PoK પણ સામેલ છે) ભારતનું અભિન્ન અંગ છે અને રહેશે.

થોડા સમય પહેલા જ્યારે ચીને તેના નકશામાં અરુણાચલ પ્રદેશ અને અક્સાઈ ચીનને પોતાનો ભાગ ગણાવ્યો હતો, ત્યારે પણ ભારતે તેનો સખત વિરોધ કર્યો હતો. હવે અમેરિકા જેવી મહાસત્તાએ પહેલા સ્વીકારવું અને પછી પીછેહઠ કરવી એ સૂચવે છે કે ભૌગોલિક રાજનીતિમાં હજુ પણ ઘણી ઉથલપાથલ ચાલી રહી છે.

ઐતિહાસિક ટ્રેડ ડીલ: વેપારને થશે ફાયદો

આ નકશા વિવાદની વચ્ચે એક સારા સમાચાર એ છે કે શુક્રવારે રાત્રે ભારત અને અમેરિકાએ દ્વિપક્ષીય ટ્રેડ ડીલના પ્રથમ તબક્કાને લીલી ઝંડી આપી દીધી છે.

ટેરિફ ઘટશે: આ કરાર હેઠળ બંને દેશોએ અનેક વસ્તુઓ પર લાગતા ટેક્સ (ટેરિફ) ઘટાડવા માટે હા પાડી છે.

નવા બજાર: અમેરિકાથી આવતા ટ્રી નટ્સ (બદામ, અખરોટ), સફરજન, બેરી અને પ્રોસેસ્ડ ફ્રૂટ્સ હવે ભારતીય બજારમાં સરળતાથી મળશે.

નિકાસ વધશે: આ ડીલથી ભારતીય નિકાસકારોને પણ મોટો ફાયદો થવાની આશા છે અને બંને દેશો વચ્ચેનો વેપાર રેકોર્ડ સ્તરે પહોંચશે.

અંતમાં, અમેરિકાએ ભલે પોસ્ટ ડિલીટ કરી દીધી હોય, પરંતુ આ ઘટનાએ ફરી સાબિત કર્યું છે કે કાશ્મીર મુદ્દે વિશ્વની નજર ભારત પર મંડાયેલી છે.

આ પણ વાંચો- India-US Trade Deal: અમેરિકાએ ચૂપચાપ ડીલમાં કર્યો મોટો ફેરફાર, ભારતને થઈ ગયા બખ્ખાં! જાણો શું છે ‘ગુડ ન્યૂઝ’