Asian Games 2023: એશિયન ગેમ્સમાં ભારતે જીત્યો ત્રીજો ગોલ્ડ મેડલ, 41 વર્ષ બાદ ઘોડેસવારી ટીમે મેળવી ઐતિહાસિક સિદ્ધિ

Asian Games 2023: ચીનમાં એશિયન ગેમ્સ 2023માં ભારતે મંગળવારે તેનો ત્રીજો ગોલ્ડ મેડલ જીત્યો. ઘોડેસવારી ડ્રેસેજ ઈવેન્ટમાં અનુષ અગ્રવાલ, હૃદય વિપુલ છેડા, દિવ્યકૃતિ સિંહ અને સુદીપ્તિ હજેલાની ટીમે આ ત્રીજો ગોલ્ડ જીત્યો હતો. ભારતે મંગળવારે ચીનના હાંગઝોઉમાં એશિયન ગેમ્સ અશ્વારોહણ સ્પર્ધામાં ટીમ ડ્રેસેજ ઇવેન્ટમાં ટોચ પર રહીને ગોલ્ડ મેડલ માટે તેની 41 વર્ષની રાહનો અંત કર્યો.

દિવ્યકીર્તિ સિંઘ, હૃદય વિપુલ છેડ (કેમએક્સપ્રો એમેરાલ્ડ) અને એડ્રેનાલિન ફિરફોડ પર સવાર અનુષ અગ્રવાલ (ઇટ્રો) એ કુલ 209.205 ટકા સ્કોર સાથે ટોચનું સ્થાન મેળવ્યું. સુદીપ્તિ હજેલા પણ ટીમનો ભાગ હતી, પરંતુ ટોચના ત્રણ ખેલાડીઓના માત્ર સ્કોર જ ગણવામાં આવ્યા હતા.

ચીનની ટીમ 204.882 ટકા માર્ક્સ સાથે બીજા ક્રમે રહી હતી. જ્યારે હોંગકોંગે 204.852 ટકાના સ્કોર સાથે બ્રોન્ઝ મેડલ જીત્યો હતો. રમતગમતના ઈતિહાસમાં આ પ્રથમ વખત છે જ્યારે ભારતે ડ્રેસેજ ઈવેન્ટમાં ટીમ ગોલ્ડ મેડલ જીત્યો હોય.

ભારતે છેલ્લે 1986માં ડ્રેસેજમાં બ્રોન્ઝ મેડલ જીત્યો હતો. ભારતે છેલ્લે નવી દિલ્હીમાં 1982 એશિયન ગેમ્સમાં ઘોડેસવારીમાં ગોલ્ડ મેડલ જીત્યો હતો. ભારતે અત્યાર સુધી શૂટિંગ, મહિલા ક્રિકેટ ટીમ અને ઘોડેસવારી ડ્રેસેજ ઈવેન્ટ્સમાં ગોલ્ડ મેડલ જીત્યા છે.