બલૂચિસ્તાન બિકાઉ નથી: ટ્રમ્પની ઓઇલ ડીલ પર મીર યાર બલોચની સખત ચેતવણી

Mir Yar Baloch Donald Trump: બલૂચ નેતા મીર યાર બલોચે અમેરિકાના રાષ્ટ્રપતિ ડોનાલ્ડ ટ્રમ્પને ખુલ્લો પત્ર લખીને સ્પષ્ટ શબ્દોમાં ચેતવણી આપી છે કે બલૂચિસ્તાનના કુદરતી સંસાધનોનું શોષણ સ્થાનિક લોકોની સંમતિ વિના કોઈપણ દેશ કરી શકશે નહીં. અમેરિકા અને પાકિસ્તાન વચ્ચેની તાજેતરની ઓઇલ ડીલને લઈને બલૂચ નેતાઓએ સખત વિરોધ નોંધાવ્યો છે.

પાકિસ્તાને ટ્રમ્પને ગેરમાર્ગે દોર્યા: મીર યાર બલોચ

મીર યાર બલોચે સોશિયલ મીડિયા પર ટ્રમ્પને સંબોધીને લખેલા ખુલ્લા પત્રમાં પાકિસ્તાનના આર્મી ચીફ અસીમ મુનીર પર આકરા પ્રહારો કર્યા છે. તેમણે જણાવ્યું કે, “બલૂચિસ્તાનના વિશાળ તેલ અને ખનીજ ભંડારો વિશે તમને ખોટી માહિતી આપવામાં આવી છે. પાકિસ્તાની સૈન્ય નેતૃત્વ અને જનરલ અસીમ મુનીરે આ વિસ્તારના ભૂગોળ વિશે ખોટી વિગતો આપીને તમને ગેરમાર્ગે દોર્યા છે.”

તેમણે વધુમાં ઉમેર્યું, “આ કુદરતી સંસાધનો પાકિસ્તાનના પંજાબનો હિસ્સો નથી. આ તેલ, નેચરલ ગેસ, કોપર, લિથિયમ, યુરેનિયમ અને અન્ય દુર્લભ ખનીજો બલૂચિસ્તાન ગણરાજ્યના છે, જે હાલમાં પાકિસ્તાનના ગેરકાયદેસર કબજા હેઠળ છે. આ સંસાધનો પાકિસ્તાનના છે એવો દાવો ખોટો અને બલૂચિસ્તાનની સંપત્તિના રાજકીય તેમજ આર્થિક દુરુપયોગનો પ્રયાસ છે.”

ટ્રમ્પની ઓઇલ ડીલ અને બલૂચ નેતાઓની ચિંતા

ડોનાલ્ડ ટ્રમ્પે ભારત પર દબાણ બનાવવાની રણનીતિના ભાગરૂપે પાકિસ્તાન સાથે ઓઇલ ડીલ કરી છે. આ ડીલ હેઠળ બંને દેશો બલૂચિસ્તાનના જમીની અને સમુદ્રી વિસ્તારોમાં તેલની શોધખોળ કરશે. આ ડીલે બલૂચ નેતાઓની ચિંતા વધારી દીધી છે, કારણ કે તેઓ લાંબા સમયથી ચીન અને પાકિસ્તાનની આ પ્રદેશમાં હાજરીનો વિરોધ કરી રહ્યા છે. આ વિરોધમાં ઘણાં સંસાધનો ખર્ચાયા છે અને અનેક લોકોના જીવ ગયા છે.

બલૂચિસ્તાનની આઝાદીની લડત