બ્રહ્મોસ મિસાઈલ માટે મોટો ઓર્ડર: ઓપરેશન સિંદૂર પછી ભારતની રણનીતિક તૈયારી

ભારતે ઓપરેશન સિંદૂર દરમિયાન પોતાના સ્વદેશી હથિયારોની તાકાત વિશ્વ સમક્ષ રજૂ કરી હતી. આ ઓપરેશનમાં બ્રહ્મોસ સુપરસોનિક ક્રૂઝ મિસાઈલે મહત્વની ભૂમિકા ભજવી હતી. હવે ભારતીય સેના આ મિસાઇલ ઓપરેશન સિંદૂર દરમિયાન બ્રહ્મોસ મિસાઈલની સફળતા પછી, ભારત-રશિયા જોઈન્ટ વેન્ચર દ્વારા બનાવવામાં આવેલી બ્રહ્મોસ સુપરસોનિક ક્રૂઝ મિસાઈલોનો મોટો ઓર્ડર આપવાની તૈયારી કરી રહી છે.

ઓપરેશન સિંદૂરમાં બ્રહ્મોસની તાકાત

વડાપ્રધાન નરેન્દ્ર મોદીએ તાજેતરમાં સ્વદેશી હથિયારોની પ્રશંસા કરતાં કહ્યું હતું કે, ઓપરેશન સિંદૂર દરમિયાન ભારતે પાકિસ્તાનના સૈન્ય ઠેકાણાઓને ભારે નુકસાન પહોંચાડ્યું હતું. આ ઓપરેશનમાં બ્રહ્મોસ મિસાઈલનો ઉપયોગ પાકિસ્તાનના હવાઈ ઠેકાણાઓ અને આતંકવાદી સંગઠનો જેવા કે જૈશ-એ-મોહમ્મદ અને લશ્કર-એ-તૈયબાના પંજાબ પ્રાંતમાં આવેલા હેડક્વાર્ટર્સ પર ચોક્કસ હુમલા માટે કરવામાં આવ્યો હતો. આ મિસાઈલોએ ટાર્ગેટને અચૂક રીતે નષ્ટ કર્યા, જેનાથી પાકિસ્તાની સેનાએ જવાબી કારવાઈનો પ્રયાસ કર્યો હતો, પરંતુ ભારતની રણનીતિક શ્રેષ્ઠતા સ્પષ્ટ દેખાઈ.

નૌકાદળ અને વાયુસેના માટે મોટી ખરીદી

એએનઆઈના અહેવાલ મુજબ, રક્ષા મંત્રાલયના સૂત્રોએ જણાવ્યું કે ટૂંક સમયમાં હાઈ લેવલ બેઠકમાં ભારતીય નૌકાદળના યુદ્ધ જહાજો માટે મોટી સંખ્યામાં બ્રહ્મોસ મિસાઈલોની ખરીદીને મંજૂરી આપવામાં આવી શકે છે. આ ઉપરાંત, ભારતીય વાયુસેના માટે પણ બ્રહ્મોસના જમીની અને હવાઈ વેરિયન્ટની ખરીદી થશે. નૌકાદળ આ મિસાઈલોને વીર-કેટેગરીના યુદ્ધ જહાજો પર તૈનાત કરશે, જ્યારે વાયુસેના તેને રશિયન મૂળના સુખોઈ-30 MKI ફાઈટર જેટ્સ પર લગાવશે.

આત્મનિર્ભર ભારતની શક્તિ

વડાપ્રધાન મોદીએ ભારપૂર્વક જણાવ્યું હતું કે ઓપરેશન સિંદૂરે ભારતના સ્વદેશી હથિયારોની શક્તિ દર્શાવી. ખાસ કરીને બ્રહ્મોસ મિસાઈલે ભારતના એર ડિફેન્સ સિસ્ટમ, મિસાઈલો અને ડ્રોન્સની સાથે આત્મનિર્ભર ભારતની તાકાતને વૈશ્વિક સ્તરે પ્રસ્થાપિત કરી. આ મિસાઈલોની ચોકસાઈ અને વિનાશક ક્ષમતાએ ભારતની રક્ષા નીતિને મજબૂત બનાવી છે.