US President Film Tariff: હોલીવુડને બચાવવા ડોનાલ્ડ ટ્રમ્પનો મોટો નિર્ણય! વિદેશી ફિલ્મો પર લગાવ્યો 100% ટેરિફ, ઇન્ડસ્ટ્રીમાં ખળભળાટ

US President Film Tariff: અમેરિકાના રાષ્ટ્રપતિ ડોનાલ્ડ ટ્રમ્પે ફરી એકવાર પોતાના એક નિર્ણયથી દુનિયાભરમાં ચર્ચા જગાવી છે. સોમવારે તેમણે ફિલ્મ ઇન્ડસ્ટ્રીને ટાર્ગેટ કરતાં તમામ વિદેશી ફિલ્મો પર 100% ટેરિફ (આયાત શુલ્ક) લગાવવાની જાહેરાત કરી છે. ટ્રમ્પનું આ પગલું ગ્લોબલ ફિલ્મ ઇન્ડસ્ટ્રીમાં મોટી ઉથલપાથલ લાવી શકે છે, ખાસ કરીને એવા સ્ટુડિયો માટે જે ઇન્ટરનેશનલ બોક્સ-ઓફિસ રેવન્યુ અને કો-પ્રોડક્શન્સ પર નિર્ભર છે.

ટ્રુથ સોશિયલ પર કરી જાહેરાત

ડોનાલ્ડ ટ્રમ્પે પોતાના સોશિયલ મીડિયા પ્લેટફોર્મ 'ટ્રુથ સોશિયલ' (Truth Social) પર એક પોસ્ટ દ્વારા આ જાહેરાત કરી હતી. તેમણે દાવો કર્યો કે આંતરરાષ્ટ્રીય સ્પર્ધાને કારણે અમેરિકન ફિલ્મ પ્રોડક્શન સતત પાછળ પડી રહ્યું છે.

તેમણે પોતાની પોસ્ટમાં લખ્યું, "બીજા દેશોએ યુનાઇટેડ સ્ટેટ્સમાંથી અમારો ફિલ્મ પ્રોડક્શન બિઝનેસ એવી રીતે ચોરી લીધો છે, જાણે કોઈ બાળકના હાથમાંથી કેન્ડી છીનવી લે. કેલિફોર્નિયા, તેના નબળા ગવર્નરને કારણે, આનાથી સૌથી વધુ પ્રભાવિત થયું છે. આ સમસ્યાને ઉકેલવા માટે, હું અમેરિકાની બહાર બનતી તમામ ફિલ્મો પર 100% ટેરિફ લગાવીશ."

અન્ય પ્રોડક્ટ્સ પર પણ લગાવ્યો છે ભારે ટેરિફ

નોંધનીય છે કે આ પહેલીવાર નથી જ્યારે ટ્રમ્પે આ પ્રકારના મોટા ટેરિફની જાહેરાત કરી હોય. તાજેતરમાં જ તેમણે વિદેશમાં બનતી બ્રાન્ડેડ અને પેટન્ટ દવાઓ પર 100% ટેરિફની જાહેરાત કરી હતી. આ સિવાય, તેમણે અન્ય પ્રોડક્ટ્સ પર પણ ટેરિફ લગાવ્યા છે, જેમાં સામેલ છે.

કિચન કેબિનેટ અને બાથરૂમ વેનિટીઝ પર 50% ટેરિફ