Bagram Airbase: અફઘાનિસ્તાનનું બગરામ એરબેઝ, શું ફરી બનશે યુદ્ધનું નવું કેન્દ્ર?

Bagram Airbase: અફઘાનિસ્તાનનું બગરામ એરબેઝ ફરી એકવાર વૈશ્વિક રાજકારણનું કેન્દ્ર બન્યું છે. અમેરિકાના રાષ્ટ્રપતિ ડોનાલ્ડ ટ્રમ્પે આ એરબેઝ પર ફરીથી કબજો મેળવવાની ધમકી આપી છે, જ્યારે તાલિબાને સ્પષ્ટ કર્યું છે કે તેઓ અમેરિકાને અફઘાન ધરતીનો એક ઇંચ પણ નહીં આપે. આ મુદ્દે તણાવ એટલો વધ્યો છે કે બગરામ એરબેઝ યુદ્ધનું નવો અખાડો બનવાની શક્યતા દેખાઈ રહી છે.

ટ્રમ્પની ધમકી અને તાલિબાનનો જવાબ

ડોનાલ્ડ ટ્રમ્પે રવિવારે તેમના સોશિયલ મીડિયા પ્લેટફોર્મ ટ્રૂથ સોશિયલ પર લખ્યું, "જો અફઘાનિસ્તાન બગરામ એરબેઝ અમેરિકાને પાછું નહીં આપે, જેને અમે બનાવ્યું હતું, તો પરિણામ ગંભીર હશે." ટ્રમ્પે એમ પણ ઉમેર્યું કે આ એરબેઝ ચીનની ન્યૂક્લિયર હથિયારોની સાઇટથી માત્ર એક કલાકના અંતરે છે, જેના કારણે અમેરિકા તેના પર ફરીથી નિયંત્રણ ઇચ્છે છે.

જવાબમાં, તાલિબાનના વિદેશ મંત્રી આમિર ખાન મુત્તાકીએ એક ઇન્ટરવ્યૂમાં કહ્યું, "અમેરિકાને અફઘાન ધરતીનું એક મીટર પણ નહીં મળે." તાલિબાનના અન્ય અધિકારી જાકિર જલાલીએ સોશિયલ મીડિયા પોસ્ટમાં લખ્યું, "અફઘાનોએ ઇતિહાસમાં ક્યારેય વિદેશી સેનાની હાજરી સ્વીકારી નથી."

તાલિબાનની હાઇ લેવલ મીટિંગ

કંધારમાં તાલિબાનના સર્વોચ્ચ નેતા હિબતુલ્લાહ અખુંદઝાદાએ એક ખાનગી બેઠક બોલાવી હતી, જેમાં ટોચના કેબિનેટ અધિકારીઓ, ગુપ્તચર વડા, સૈન્ય કમાન્ડરો અને ઉલેમા પરિષદના સભ્યો હાજર રહ્યા. આ બેઠકમાં બગરામ એરબેઝ અંગે ટ્રમ્પની ટિપ્પણીઓ અને અમેરિકાની સંભવિત કાર્યવાહી પર ચર્ચા થઈ. તાલિબાને સર્વસંમતિથી નિર્ણય લીધો કે એરબેઝ અમેરિકાને સોંપવામાં નહીં આવે. નેતૃત્વએ એમ પણ જણાવ્યું કે જો અમેરિકાએ હુમલો કર્યો, તો તાલિબાન યુદ્ધ માટે સંપૂર્ણ તૈયાર છે.

પાકિસ્તાનને ચેતવણી