અમદાવાદમાં સોશિયલ મીડિયાની રિલ્સના ચક્કરમાં પરિવારે વ્હાલસોયા ગુમાવ્યા, પળવારમાં જ પરિવારે વ્હાલસોયા ગુમાવ્યા

આ સ્કોર્પિયો કાર ફતેહવાડીથી વાસણા બેરેજ રોડ પર પોહચે તે પહેલાં જ વાસણા બેરેજ ખાતે વિરાજસિંહ રાઠોડ, યક્ષ ભંકોડિયા, યશ સોલંકી અને ક્રિશ દવેને બોલાવ્યા હતા. આ દરમ્યાન રિલ્સ બનાવવા કાર અલગ મિત્રો ચલાવતા. છેલ્લે સ્કોર્પિયો કાર કેનાલ પાસેના રોડ પર યક્ષ ભંકોડિયાએ થોડીવાર કાર ચલાવી તેના મિત્ર યશ સોલંકીને કાર ચલાવવા આપી હતી.

અન્ય મિત્રએ કર્યા બચાવવાના પ્રયાસ

આ કારમાં યશ, યક્ષ અને ક્રિશ દવે પણ સાથે બેઠો હતો. તે સમયે કેનાલ પર કાર U ટર્ન મારતી વખતે કોઈ કારણસર ટર્ન નહીં લાગતા કાર કેનાલમાં ખાબકી. આ બનાવ અંગેના CCTV ફુટેજમાં પણ સ્પષ્ટ દેખાય છે કે, કાર કેનાલમાં ખાબકી જોકે કારમાં નહીં બેઠેલો તેમનો અન્ય મિત્ર વિરાજસિંહ રાઠોડ બચાવવા પ્રયત્ન કર્યા. મિત્ર વિરાજસિંહએ રસ્સો નાખી બચાવવાનો પ્રયત્ન કર્યો પણ ત્રણમાંથી કોઈપણ રસ્સો પકડી શક્યા નહીં.

બાદમાં ફાયર અને પોલીસની મદદ લેવાઈ કારને કેનાલમાંથી ફાયરની ટીમે બાહર કાઢી આપી. હાલ પોલીસે અને ફાયરની ટીમે પાણીનો પ્રવાહ બંધ કરાવી કેનાલમાં પડેલા ત્રીજા યુવાનની શોધખોળ હાથ ધરી છે. મોડી રાત સુધી આ ત્રણેય મિત્રો નહિ મળી આવતા પરિવારજનોમાં આક્રંદ જોવા મળ્યો હતો. હાલ પણ ફાયરની ટીમે શોધખોળ હાથ ધરી છે.

ઘટનાની જાણ થતા વાસણા પોલીસ સ્ટેશનના PI તેમજ અન્ય ઉચ્ચ અધિકારીઓ દોડી આવ્યા હતા. સાથે લોકલ તરવૈયાઓએ તપાસ કરી હતી. પરંતુ, કારમાં કોઇ મળી આવ્યું નહોતું. બીજી તરફ પોલીસને પ્રાથમિક વિગતો જાણવા મળી હતી કે યુવકોએ રીલ્સ બનાવવા માટે કાર ભાડે લીધી હતી અને કેનાલ પર આવ્યા હતા. આ બનાવની જાણ થતા પોલીસે તેમના પરિવારજનોને પણ સ્થળ પર બોલાવ્યા હતા અને ફાયરબ્રિગેડની મદદથી યુવકોની શોધખોળ હાથ ધરી છે.

આ પણ વાંચો - Advance tax Deadline: ટેક્સપેયર્સએ 15 માર્ચ સુધી પતાવવું જરૂરી આ કામ, જો ચૂકી ગયા તો ચૂકવવો પડશે દંડ