Nepal PM India Visit: નેપાળના વડાપ્રધાન બાલેન્દ્ર શાહ (Balendra Shah) પહેલીવાર ભારતના સત્તાવાર પ્રવાસે આવવાના છે. નેપાળના વિદેશ સચિવ અમૃત બહાદુર રાયે શુક્રવારે આ અંગેની સત્તાવાર માહિતી આપી હતી. તેમણે જણાવ્યું કે ભારતના વડાપ્રધાન નરેન્દ્ર મોદીના આમંત્રણ પર નેપાળના વડાપ્રધાન બાલેન્દ્ર શાહ આગામી 22 થી 23 નવેમ્બર દરમિયાન ભારતની રાજકીય મુલાકાતે રહેશે. વિદેશ સચિવના જણાવ્યા અનુસાર, વડાપ્રધાન બાલેન્દ્ર શાહના નેતૃત્વમાં 34 સભ્યોનું ઉચ્ચ સ્તરીય સરકારી પ્રતિનિધિમંડળ મહત્વપૂર્ણ વાતચીત માટે કાઠમંડુથી નવી દિલ્હી જવા રવાના થશે.

