Gujarat Rain Update: ગુજરાતમાં છેલ્લા એક સપ્તાહથી વરસાદનો માહોલ જોવા મળી રહ્યો છે. ધબધબાટી વરસાદ બાદ હવે મેઘરાજાએ થોડી રાહત આપી છે. સ્ટેટ ઈમરજન્સી ઓપરેશન સેન્ટર (SEOC) ગાંધીનગરના આંકડા મુજબ, 29 જુલાઈ 2025, સવારે 6 વાગ્યાથી 30 જુલાઈ 2025, સવારે 6 વાગ્યા સુધીના 24 કલાકમાં રાજ્યના 95 તાલુકામાં વરસાદ નોંધાયો છે. જોકે, મોટાભાગના વિસ્તારોમાં વરસાદનું પ્રમાણ ઓછું રહ્યું છે.
ગુજરાતમાં વરસાદનું જોર ઘટ્યું : 95 તાલુકામાં હળવો વરસાદ, કપરાડામાં સૌથી વધુ 2.13 ઈંચ
Gujarat Weather Forecast: ગુજરાતમાં વરસાદની માત્રા અને વરસાદ પડવાનો વિસ્તાર પણ ઘટીને 100 તાલુકાની અંદર આવી ગયો છે. છેલ્લા 24 કલાકમાં વરસાદની વાત કરીએ તો રાજ્યમાં 95 તાલુકામાં વરસાદ નોંધાયો છે.
MoneyControl Newsઅપડેટેડ Jul 30, 2025 પર 10:15 AM
સૌથી વધુ વરસાદ ક્યાં?
વલસાડના કપરાડા તાલુકામાં સૌથી વધુ 2.13 ઈંચ વરસાદ નોંધાયો છે. આ ઉપરાંત, 8 તાલુકામાં 1 થી 3 ઈંચ વચ્ચે વરસાદ નોંધાયો છે.
| જિલ્લો | તાલુકો | વરસાદ (ઈંચમાં) |
|---|---|---|
| વલસાડ | કપરાડા | 2.13 |
| ડાંગ | વઘાઈ | 1.77 |
| ડાંગ | આહવા | 1.73 |
| નવસારી | ખેરગામ | 1.69 |
| નવસારી | વાંસદા | 1.61 |
| વલસાડ | ધરમપુર | 1.46 |
| ડાંગ | સુબિર | 1.14 |
| વલસાડ | વલસાડ | 1.10 |
87 તાલુકામાં હળવો વરસાદ
SEOCના રિપોર્ટ મુજબ, 87 તાલુકામાં એક ઈંચથી ઓછો વરસાદ નોંધાયો છે. આમાંથી 31 તાલુકામાં તો વરસાદે માત્ર હાજરી જ પુરાવી, એટલે કે 1-2 એમએમ જેટલો જ વરસાદ પડ્યો.
12 જિલ્લામાં ભારે વરસાદની આગાહી
હવામાન વિભાગે 30 જુલાઈ 2025, બુધવારે 12 જિલ્લાઓમાં ભારે વરસાદની આગાહી કરી છે. આ જિલ્લાઓમાં પંચમહાલ, દાહોદ, મહિસાગર, છોટા ઉદેપુર, નર્મદા, સુરત, ડાંગ, તાપી, નવસારી, વલસાડ, દમણ અને દાદરા નગર હવેલીનો સમાવેશ થાય છે. આ વિસ્તારોમાં ખેડૂતો અને નાગરિકોએ સાવચેતી રાખવી જરૂરી છે.
શું છે આગળની સ્થિતિ?
ગુજરાતમાં વરસાદનો વિસ્તાર હવે 100 તાલુકાથી ઘટીને 95 તાલુકા સુધી સીમિત થયો છે. હવામાન વિભાગની આગાહી પ્રમાણે, આગામી દિવસોમાં ભારે વરસાદની શક્યતા છે, જે ખેતી અને પાણીની સ્થિતિને અસર કરી શકે છે. ખેડૂતો અને સ્થાનિક વહીવટી તંત્રએ આ માટે તૈયારીઓ શરૂ કરી દીધી છે.
પહેલા મનીકંટ્રોલ ગુજરાતી પર ગુજરાતીમાં સ્ટોક માર્કેટ, Stock Tips, સમાચાર, પર્સનલ ફાઇનાન્સ અને બિઝનેસ સંબંધિત સમાચાર વાંચો. દૈનિક બજાર અપડેટ્સ માટે Moneycontrol App ડાઉનલોડ કરો.