Twitter પરથી કન્ટેન્ટ હટાવવાની માંગ કરનારા ટોપ-4 દેશોમાં ભારત સામેલ

અબજોપતિ ઉદ્યોગપતિ એલોન મસ્કની માલિકીની સોશિયલ મીડિયા કંપનીએ કહ્યું છે કે સોશિયલ મીડિયા કંપનીઓ માટેના ભારતના નિયમો ગયા વર્ષે જાન્યુઆરી અને જૂન વચ્ચે ટ્વિટર પરથી કંન્ટેટ દૂર કરવા માટે વિશ્વની સૌથી વધુ કાનૂની માગઓ હતી. ટોપ-4 દેશોમાંનો એક હતો. ટ્વિટરે એક બ્લોગ પોસ્ટમાં જણાવ્યું હતું કે, "ગ્લોબલ રીતે ટ્વિટરને રિપોર્ટિંગ સમયગાળા (જાન્યુઆરીથી જૂન 2022) દરમિયાન સરકારો તરફથી કંન્ટેટને દૂર કરવા માટે લગભગ 53,000 કાનૂની માગો મળી છે."

ટ્વિટરે અહેવાલ આપ્યો છે કે ગયા વર્ષે કંન્ટેટ દૂર કરવાની માગ કરનારા વિશ્વના ટોચના 4 દેશોમાં જાપાન, દક્ષિણ કોરિયા, તુર્કી અને ભારત હતા. ગયા વર્ષે યુઝર ડેટા માંગનારા ટોચના દેશોમાં ભારત પણ સામેલ હતું.

અમેરિકન ટેક કંપનીએ જણાવ્યું હતું કે, "2022ના પ્રથમ છ મહિનામાં એકાઉન્ટની ઇન્ફોર્મેશન માંગનારા ટોપ-5 દેશોમાં ભારત, યુએસ, ફ્રાન્સ, જાપાન અને જર્મની હતા." ટ્વિટર રિપોર્ટમાં વધુમાં જણાવાયું છે કે જુલાઈ અને ડિસેમ્બર 2021 વચ્ચે પત્રકારોના વેરિફાઈડ હેન્ડલ અને ન્યૂઝ આઉટલેટ્સમાંથી ટ્વિટ દૂર કરવા માટે ભારતને સૌથી વધુ માગઓ મળી હતી.

પત્રકારો અને સમાચાર સંસ્થાઓ દ્વારા પોસ્ટ કરવામાં આવેલી કંન્ટેટને દૂર કરવા માટે 3,992 કાનૂની માંગણી કરવામાં આવી હતી. 12 એપ્રિલે ટ્વિટરના વડા એલોન મસ્કે સ્વીકાર્યું હતું કે સોશિયલ મીડિયા કંપનીઓ માટે ભારતના નિયમો ખૂબ કડક છે. તેણે એમ પણ કહ્યું હતું કે તેની કંપની તેના કર્મચારીઓને જેલમાં મોકલવાને બદલે ભારતીય સોશિયલ મીડિયા કાયદાનું પાલન કરશે.