US Green Card: અમેરિકામાં ગ્રીન કાર્ડ માટે માત્ર લગ્ન કરવા પૂરતા નથી! હવે આ શરત પૂરી કરવી પડશે, નહીં તો અરજી થશે રિજેક્ટ

US Green Card: જો તમારું સપનું અમેરિકામાં સ્થાયી થવાનું છે અને તમે એવું માનો છો કે કોઈ અમેરિકન નાગરિક સાથે લગ્ન કરી લેવાથી તમને સરળતાથી ગ્રીન કાર્ડ (Green Card) મળી જશે, તો આ સમાચાર તમારા માટે આંખ ઉઘાડનારા છે. અત્યાર સુધી અમેરિકન નાગરિક સાથે લગ્ન કરવા એ ગ્રીન કાર્ડ મેળવવાનો સૌથી સરળ અને લોકપ્રિય રસ્તો માનવામાં આવતો હતો. પરંતુ હવે માત્ર મેરેજ સર્ટિફિકેટ (લગ્નનું પ્રમાણપત્ર) બતાવીને ગ્રીન કાર્ડ મેળવવું મુશ્કેલ બની ગયું છે.

લગ્ન સાચા હોવા જોઈએ, માત્ર કાગળ પર નહીં

અમેરિકન નાગરિકતા અને ઇમરન્સી સર્વિસ (USCIS) એ સ્પષ્ટ કર્યું છે કે ગ્રીન કાર્ડ મેળવવા માટે લગ્ન 'વાસ્તવિક' હોવા જોઈએ. એટલે કે, બંને પક્ષો (પતિ અને પત્ની) સાચા દિલથી અને સારા વિશ્વાસ સાથે જીવનભર સાથે રહેવા માંગતા હોવા જોઈએ. જો અધિકારીઓને એવી શંકા જશે કે આ લગ્ન માત્ર ઈમિગ્રેશનના લાભો કે ગ્રીન કાર્ડ મેળવવા માટે જ કરવામાં આવ્યા છે, તો તમારી મુશ્કેલીઓ વધી શકે છે. અમેરિકામાં ગ્રીન કાર્ડ એ કાયમી વસવાટ માટેની પરવાનગી છે, જે આગળ જતાં અમેરિકન નાગરિકતા તરફ દોરી જાય છે. જોકે, હવે આ પ્રક્રિયામાં ઘણી કડકાઈ આવી ગઈ છે.

સાથે રહેવું સૌથી મહત્વનું

પ્રખ્યાત ઈમિગ્રેશન વકીલ બ્રેડ બર્નસ્ટીનના જણાવ્યા મુજબ, માત્ર લગ્ન થઈ જવા એ પૂરતું નથી. તેમણે ચેતવણી આપતા કહ્યું કે, "રીલેશનશિપમાં હોવાથી ગ્રીન કાર્ડ નથી મળતું, પરંતુ સાથે રહેવાથી મળે છે." USCIS અધિકારીઓનું મુખ્ય ધ્યાન એ વાત પર હોય છે કે શું દંપતી ખરેખર એક જ ઘરમાં સાથે રહે છે કે નહીં?

જો પતિ-પત્ની અલગ-અલગ રહેતા હોય, તો તેમની ગ્રીન કાર્ડની અરજી પર ગંભીર સવાલો ઉભા થાય છે. આવા કિસ્સાઓમાં અધિકારીઓ ઊંડાણપૂર્વક તપાસ કરે છે કે ક્યાંક આ લગ્ન માત્ર દેખાડાના તો નથી ને?

અલગ રહેતા દંપતીઓ માટે જોખમ