યુદ્ધના ભણકારા: અમેરિકાનું ‘મોતનું જહાજ’ ઈરાનની સરહદે પહોંચ્યું, ઈરાની કમાન્ડરે કહ્યું- ‘અમારી આંગળીઓ ટ્રિગર પર છે!’

USS Abraham Lincoln: દુનિયાના બે કટ્ટર દુશ્મનો, અમેરિકા અને ઈરાન વચ્ચેનો મામલો હવે શાંત પડવાને બદલે વધારે ગરમાયો છે. સ્થિતિ એટલી હદે વણસી ગઈ છે કે જાણે ગમે ત્યારે યુદ્ધ ફાટી નીકળે. અમેરિકાએ પોતાની તાકાત બતાવવા માટે સૌથી ખતરનાક ગણાતું જહાજ ઈરાનની બિલકુલ નજીક મોકલી દીધું છે. આ જોઈને ઈરાને પણ હવે ખુલ્લેઆમ યુદ્ધની તૈયારીઓ બતાવી દીધી છે.

સમુદ્ર પર તરતો કિલ્લો

અમેરિકન નેવીએ જે જહાજ તૈનાત કર્યું છે તેનું નામ છે ‘યુએસએસ અબ્રાહમ લિંકન’ (USS Abraham Lincoln). સંરક્ષણ નિષ્ણાતો આને માત્ર જહાજ નહીં પણ ‘સમુદ્ર પર ચાલતો-ફરતો અભેદ કિલ્લો’ ગણાવે છે. આ જહાજ એકલું નથી આવ્યું, તેની સાથે ગાઈડેડ મિસાઈલ ક્રૂઝર, સબમરીન અને અન્ય વિનાશક જહાજોનું આખું ગ્રુપ છે. આ સ્ટ્રાઈક ગ્રુપ એટલું શક્તિશાળી છે કે તે એકલું જ આખી ઈરાની સેનાને ભારે પડી શકે છે. તેને ‘દુશ્મનોનો કાળ’ પણ કહેવામાં આવે છે.

ઈરાનનો વળતો જવાબ: "અમારી આંગળીઓ ટ્રિગર પર છે"

એક તરફ અમેરિકાના રાષ્ટ્રપતિ ડોનાલ્ડ ટ્રમ્પે એવું નિવેદન આપ્યું હતું કે ઈરાન વાતચીત કરવા માંગે છે. પરંતુ ઈરાને આ વાતને સાવ ખોટી ગણાવીને ફગાવી દીધી છે. વોશિંગ્ટનને સીધી ચેતવણી આપતા ઈરાની રિવોલ્યુશનરી ગાર્ડ્સના કમાન્ડરે સ્પષ્ટ શબ્દોમાં કહ્યું છે કે, ભલે દેશમાં આંતરિક વિરોધ પ્રદર્શનો ચાલતા હોય, પણ અમારી સેના સંપૂર્ણ તૈયાર છે. તેમણે કહ્યું કે, "અમારી આંગળીઓ અત્યારે ટ્રિગર પર જ છે," જેનો સીધો અર્થ છે કે ઈરાન કોઈપણ હુમલાનો જવાબ આપવા સજ્જ છે.

અમેરિકાના 5 ‘બ્રહ્માસ્ત્ર’ જેનો ઈરાન પાસે કોઈ તોડ નથી

જો યુદ્ધ થાય તો અમેરિકા પાસે એવા અત્યાધુનિક હથિયારો છે જે મિનિટોમાં ઈરાનના પરમાણુ મથકો અને મિસાઈલ સાઈટ્સને રાખ કરી શકે છે. નિષ્ણાતોના મતે આ 5 હથિયારો ઈરાન માટે સૌથી મોટું જોખમ છે: