શૅરખાનના મતે વોલેટાઈલ બજારમાં પણ આ ત્રણ શૅર્સની વૃદ્ધિ થતી રહેશે

રિસર્ચ ગૃહે કહ્યું કે કંપનીનું એકંદર કામકાજ સુધર્યુ છે. કાચા માલનો ખર્ચ અને નૂર ભાડાના ખર્ચમાં ઘટાડો થયો છે. કંપનીનું મેનેજમેન્ટ ઈબિટડા માર્જિનમાં વધારો કરવા ઉપર સતત ધ્યાન આપી રહ્યું છે, તેથી શૅર હોલ્ડ કરવો જોઈએ.

બ્રોડર ઈન્ડાઈસિઝ નવા હાઈ પર પહોંચ્યા, 80 થી વધારે સ્મૉલકેપ શેર 34% સુધી ભાગ્યા

બલરામપુર ચીની મિલ્સ: ટાર્ગેટ ભાવ ₹475

બલરામપુર ચીની મિલ્સના કામકાજમાં નોંધપાત્ર વૃદ્ધિ થઈ રહી છે. જૂન 2023માં પુરા થતા ત્રિમાસિક ગાળામાં કંપનીનો ચોખ્ખો નફો ગત વર્ષનાં સમાન ત્રિમાસિક ગાળાની સરખામણીએ પાંચ ગણો વધીને 68 કરોડ રૂપિયા થયો હતો અને આવક વાર્ષિક ધોરણે 28.7 ટકા વધીને 1,389.6 કરોડ રૂપિયા થઈ હતી.

જૂન ત્રિમાસિકમાં કંપનીના અન્ય સકારાત્મક પાસા જોઈએ તો સુગરનું વેચાણ વોલ્યુમ વાર્ષિક ધોરણે 11.9 ટકા વધ્યુ છે અને શેરડીનું પિલાણ પણ ગયા વર્ષનાં જૂન ત્રિમાસિકના 46.2 લાખ ક્વિન્ટલથી વધીને 139.6 લાખ ક્વિન્ટલ થયુ છે. ઈથેનોલનું કુલ વેચાણ વાર્ષિક ધોરણે 42.7 ટકા વધ્યું છે. ઈથેનોલ બ્લેન્ડેડની સરેરાશ કમાણી વાર્ષિક ધોરણે 7.7 ટકા વધી છે. રિસર્ચ ગૃહે રોકાણકારોને કંપનીનો શૅર ખરીદવાની ભલામણ કરતા કહ્યું કે કંપનીની બે અંકમાં વૃદ્ધિ થવાની સાથે નફાશક્તિમાં પણ નોંધપાત્ર વધારો થયો છે. આગામી વર્ષોમાં કંપનીનું ડેબ્ટ ઘટે તો વૃદ્ધિ નોંધપાત્ર થશે.

ઝાયડસ લાઈફસાયન્સિસ:  ટાર્ગેટ ભાવ ₹663

ઝાયડસ લાઈફસાયન્સિસે જૂન 2023માં પુરા થતા ત્રિમાસિક ગાળામાં 17-18 નવા પ્રોડકટ્સ લોન્ચ કરવા માટેની મંજૂરીઓ મેળવી છે. જ્યારે માર્ચ 2023માં પુરા થતા ત્રિમાસિક ગાળામાં કંપનીએ 28 નવા પ્રોડકટ્સની મંજૂરી લીધી હતી. આગામી બે વર્ષ સુધી અમેરિકામાં કંપનીની આવક વૃદ્ધિ થવાનો અંદાજ છે. તેમના મુખ્ય પ્રોડકટ્સનાં ટેકે કંપની વિસ્તરણ કરી રહી છે. વધતી સ્પર્ધાને લીધે નવા પ્રોડકટ્સ પણ લોન્ચ કરી રહી છે. કંપનીના બજાર હિસ્સામાં પણ સ્થિર વધારો થઈ રહ્યો છે.

રિસર્ચ ગૃહે ટાર્ગેટ ભાવમાં ફેરફાર કરીને રોકાણકારોને ઝાયડસ લાઈફસાયન્સિસનો શૅર ખરીદવાની ભલામણ કરી હતી. તેમના મતે કંપનીના પ્રોડકટ્સને મંજૂરીઓ મળતા વૃદ્ધિ થતી રહેશે. અમેરિકામાં આવક વધવાની સાથે બજાર હિસ્સામાં પણ વધારો થવાના સંકેત છે. જોકે, ફોરેક્સ વોલેટિલિટી કંપનીની આવક ઉપર પ્રતિકૂળ અસર પાડી શકે છે.

ડિસ્ક્લેમર: Moneycontrol.com પર આપવામાં આવેલા વિચાર અને રોકાણની સલાહ રોકાણ વિશેષજ્ઞોના પોતાના ખાનગી વિચાર અને સલાહ હોય છે. Moneycontrol યૂઝર્સને સલાહ આપે છે કે તે કોઈ રોકાણ નિર્ણય લેવાના પહેલા સર્ટિફાઈડ એક્સપર્ટથી સલાહ લો.