નિફ્ટી બેંક ટ્રેડર્સ એલર્ટ: આ લેવલ પાર થયું તો શેરબજારમાં રોકેટ જેવી તેજી, તૂટ્યું તો મચશે હાહાકાર

Nifty Bank Outlook Today: આજના ટ્રેડિંગ સેશનમાં એટલે કે 8 જૂનના રોજ રોકાણકારોની નજર મુખ્યત્વે નિફ્ટી બેંક પર જ ટકેલી છે. ગયા સપ્તાહે શુક્રવારે ભારતીય રિઝર્વ બેંકની મોનેટરી પોલિસીની જાહેરાત બાદ બજારમાં ખાસ્સો ઉતાર-ચઢાવ જોવા મળ્યો હતો. એક તરફ જ્યાં નિફ્ટી 50 તૂટીને લાલ નિશાનમાં બંધ થયો, ત્યાં જ નિફ્ટી બેંકે પોતાનું દમખમ બતાવ્યું અને પોઝિટિવ ઝોનમાં મજબૂત ક્લોઝિંગ આપ્યું.

4 દિવસની સળંગ તેજી અને બેંકોનું શાનદાર પ્રદર્શન

છેલ્લા કેટલાક દિવસોથી નિફ્ટી બેંકનું પ્રદર્શન નિફ્ટી 50 કરતા ઘણું સારું રહ્યું છે. શુક્રવારે સળંગ ચોથો દિવસ હતો જ્યારે આ ઇન્ડેક્સ મજબૂતી સાથે બંધ રહ્યો. આ ચાર દિવસના ગાળામાં જ નિફ્ટી બેંક 850 પોઇન્ટ કરતા વધુ ઉછળ્યો છે. તે પોતાના 54,320 ના 20-દિવસના મૂવિંગ એવરેજની ઉપર ટકી રહેવામાં સફળ રહ્યો છે.

ભલે બજારમાં વચ્ચે-વચ્ચે વોલેટિલિટી જોવા મળી, પણ નીચેના મથાળેથી સતત આવતી ખરીદીએ ઇન્ડેક્સને પડવા દીધો નથી. બેંકોની વાત કરીએ તો ગયા સપ્તાહે ફેડરલ બેંક સૌથી વધુ 5% ઉછળ્યો હતો. બીજી તરફ HDFC બેંક અને ICICI બેંકમાં ભલે મોટી તેજી નહોતી, પરંતુ તેમની સ્થિર ચાલ જ નિફ્ટી બેંકને બેલેન્સ કરવામાં મદદરૂપ સાબિત થઈ.

કયા છે નિફ્ટી બેંક માટે સૌથી મહત્વના લેવલ?

માર્કેટ એનાલિસ્ટ્સ માને છે કે વીકલી લેવલ પર 20-DMA ની ઉપર બંધ આપવું એ એક પોઝિટિવ અને મજબૂત સંકેત છે. પણ બુલ્સ માટે હજુ રસ્તો પૂરો સાફ નથી.ઉપરની તરફ 54,800 થી 55,000 નો ઝોન નિફ્ટી બેંક માટે મોટો અવરોધ બનીને ઊભો છે. શુક્રવારનો ઇન્ટ્રા-ડે હાઈ 54,865 પાર કરવો એ બજાર માટે પહેલો મોટો પડકાર રહેશે.જો સપોર્ટની વાત કરીએ તો, ગયા આખા સપ્તાહે નિફ્ટી બેંકે 53,000 નું લેવલ એકદમ મજબૂતીથી પકડી રાખ્યું હતું.

ખરીદી કરવી કે વેચવાલી? માર્કેટ એક્સપર્ટ્સની સલાહ