Stock Market Today: આ સમાચારોની આજે બજાર પર પડશે અસર, કોઈપણ ટ્રેક કરતા પહેલા તેના પર કરો એક એક નજર

Stock Market Today : આજે ભારતીય શેરબજારમાં ટ્રેડિંગ કરતા પહેલા, કેટલાક મહત્ત્વપૂર્ણ ગ્લોબલ અને ડોમેસ્ટિક ફેક્ટર્સ પર નજર નાખવી જરૂરી છે. ગઈકાલના ઉછાળા પછી, આજના માર્કેટની દિશા આ મુખ્ય સમાચારો દ્વારા નક્કી થઈ શકે છે.

FII અને DII ફ્લો: બદલાયેલી પેટર્ન

તાજેતરમાં, ફોરેન ઇન્સ્ટિટ્યુશનલ ઇન્વેસ્ટર્સ (FIIs) અને ડોમેસ્ટિક ઇન્સ્ટિટ્યુશનલ ઇન્વેસ્ટર્સ (DIIs) ના ફંડ ફ્લોમાં નોંધપાત્ર ફેરફાર જોવા મળ્યો છે. 26 જૂનના રોજ, FIIs એ ત્રણ દિવસની સેલિંગ પેટર્ન તોડીને 12,594 કરોડના શેર ખરીદ્યા, જે માર્કેટ માટે પોઝિટિવ સંકેત છે. બીજી તરફ, DIIs એ ત્રણ દિવસની બાયિંગ પેટર્ન તોડીને 195 કરોડના શેર વેચ્યા. આ બદલાવ બજારની સેન્ટિમેન્ટ પર અસર કરી શકે છે.

ભારતીય બજાર: તેજીનો માહોલ યથાવત

ભારતીય બેન્ચમાર્ક ઇન્ડેક્સ, સેન્સેક્સ અને નિફ્ટી, આજે સવારે નજીવી તેજી સાથે ખુલ્યા છે. ગઈકાલે, નિફ્ટી 25,500નો લેવલ ક્રોસ કરીને લગભગ નવ મહિનાની હાઈ પર બંધ થયો હતો. સેન્સેક્સ 1,000.36 પોઈન્ટ્સ (1.21%) વધીને 83,755.87 પર અને નિફ્ટી 304.25 પોઈન્ટ્સ (1.21%) વધીને 25,549 પર બંધ થયો હતો. બ્રોડર ઇન્ડાઈસિસ, જેમ કે BSE મિડકેપ અને સ્મોલકેપમાં પણ પાંચમા દિવસે તેજી જોવા મળી હતી. આ મોમેન્ટમ આજે પણ જળવાઈ રહેવાની અપેક્ષા છે.

ગિફ્ટ નિફ્ટી: સકારાત્મક શરૂઆતનો સંકેત

સવારે 9:30 વાગ્યાની આસપાસ, ગિફ્ટ નિફ્ટી 42 પોઈન્ટ્સ (0.16%)ના વધારા સાથે 25,652.50 ના સ્તર પર ટ્રેડ કરી રહ્યો છે. આ ગિફ્ટ નિફ્ટીમાં તેજી ભારતીય બજાર માટે સકારાત્મક શરૂઆતનો સંકેત આપે છે.