Debt fund new rule: એસેટ મેનેજમેન્ટ કંપનીઓ ફરીથી આંતરરાષ્ટ્રીય ફંડ કર્યા ઓપન, 31 માર્ચ સુધી ટેક્સ બેનિફિટ મેળવી શકશે

Debt fund new rule: એસેટ મેનેજમેન્ટ કંપનીઓ (AMCs) એ ટેક્સના નવા સ્ટાડર્ડ પહેલા તેમના આંતરરાષ્ટ્રીય ફંડમાં ઇન્વેસ્ટ કરવાનું ફરી શરૂ કર્યું છે. એડલવાઈસ મ્યુચ્યુઅલ ફંડે સબ્સ્ક્રિપ્શન માટે 7 આંતરરાષ્ટ્રીય ફંડ ફરીથી ઓપન કર્યા છે. તો MIRAE ASSETએ 27 માર્ચથી વન-ટાઈમ ટ્રાન્ઝેક્શન માટે 6 વિદેશી ફંડ્સ અને 29 માર્ચથી વર્તમાન સિસ્ટમેટિક ઈન્વેસ્ટમેન્ટ પ્લાન્સ (SIPs) ફરીથી ખોલ્યા છે. તો ફ્રેન્કલિન ટેમ્પલટન મ્યુચ્યુઅલ ફંડે પણ તેના કેટલાક ફંડ્સમાં વન-ટાઇમ સબસ્ક્રિપ્શન લેવાનું શરૂ કર્યું છે.

શું છે નવો નિયમ?

1 એપ્રિલ, 2023થી અમલમાં આવનાર નવા ડેટ ફંડ નિયમો વચ્ચે વિવિધ ફંડ હાઉસે આ સ્ટેપ ભર્યું છે. નવા નિયમો મુજબ, ભારતીય કંપનીઓના ઇક્વિટી શેરમાં 35 ટકાથી વધુ ઇન્વેસ્ટ ન કરતા મ્યુચ્યુઅલ ફંડ્સમાંથી નફો હવે શોર્ટ ટર્મ કેપિટલ ગેઇન તરીકે ગણવામાં આવશે. આ નિયમ 1 એપ્રિલ 2023થી લાગુ થવા જઈ રહ્યો છે.

ઉપરાંત, ત્રણ વર્ષથી વધુ સમયથી રાખવામાં આવેલા ડેટ ફંડ્સને હવે ઇન્ડેક્સેશનનો બેનિફિટ મળશે નહીં. ઉપરાંત, તેઓ 20 ટકા ટેક્સ રેટ માટે એલિજીબલ રહેશે નહીં. આ તમામ ડેટ મ્યુચ્યુઅલ ફંડ્સ, ઇન્ટરનેશનલ ફંડ્સ, ગોલ્ડ ફંડ્સ, ટાર્ગેટ મેચ્યોરિટી ફંડ્સ, ફિક્સ્ડ મેચ્યોરિટી પ્લાન્સ જેમ કે ભારત બોન્ડ્સ તેમજ ફંડ્સ ઑફ ફંડ્સ (FoFs) પર લાગુ થશે.