Rahul Gandhi Election Commission: રાહુલ ગાંધીને ચૂંટણી પંચનો આકરું અલ્ટીમેટમ, સ્તાક્ષર કરો અથવા દેશની માફી માંગો

Rahul Gandhi Election Commission: ચૂંટણી પંચે કોંગ્રેસ નેતા રાહુલ ગાંધીને આકરું અલ્ટીમેટમ આપ્યું છે. રાહુલે વોટર લિસ્ટમાં ગેરરીતિના આરોપો લગાવ્યા છે, જેના જવાબમાં પંચે તેમને એફિડેવિટ પર હસ્તાક્ષર કરવા અથવા દેશની માફી માંગવા કહ્યું છે. કર્ણાટક સહિત ત્રણ રાજ્યોના ચૂંટણી પંચે રાહુલના દાવાઓને ખોટા ગણાવ્યા છે.

રાહુલ ગાંધીએ તાજેતરમાં કર્ણાટકના બેંગલુરુ મધ્ય લોકસભા મતવિસ્તારના મહાદેવપુરા વિધાનસભા ક્ષેત્રમાં એક લાખથી વધુ વોટ ચોરાયા હોવાનો આરોપ લગાવ્યો હતો. આ અંગે ચૂંટણી પંચે તેમને એફિડેવિટ મોકલીને પોતાના દાવાની સત્યતા સાબિત કરવા કહ્યું હતું. પંચે ચેતવણી આપી હતી કે જો દાવો ખોટો નીકળશે તો કાનૂની કાર્યવાહી થશે. હજુ સુધી રાહુલ કે કોંગ્રેસ તરફથી આ એફિડેવિટ અંગે કોઈ જવાબ નથી આવ્યો.

ચૂંટણી પંચનો સવાલ: સાચા હોવ તો હસ્તાક્ષર કેમ નહીં?

ચૂંટણી પંચે કહ્યું કે જો રાહુલ ગાંધીને પોતાના આરોપો પર વિશ્વાસ છે તો તેમણે એફિડેવિટ પર હસ્તાક્ષર કરવામાં કોઈ સમસ્યા ન હોવી જોઈએ. જો તેઓ હસ્તાક્ષર નહીં કરે, તો તે દર્શાવે છે કે તેઓ પોતાના દાવાઓ પર વિશ્વાસ નથી રાખતા. આવા સંજોગોમાં, પંચે કહ્યું કે રાહુલે ખોટા આરોપો લગાવવા અને ચૂંટણી પ્રક્રિયામાં લોકોનો વિશ્વાસ ઘટાડવા બદલ દેશની માફી માંગવી જોઈએ.

રાહુલનો પલટવાર, બેંગલુરુમાં રેલી

રાહુલ ગાંધીએ આ મુદ્દે પોતાનું વલણ નરમ પાડ્યું નથી. બેંગલુરુમાં કોંગ્રેસની રેલીમાં તેમણે ફરી ચૂંટણી પંચ પર આરોપ લગાવ્યો અને કહ્યું કે “સમય બદલાશે ત્યારે સજા થશે.” તેમણે બિહારમાં ચાલી રહેલા વોટર લિસ્ટના ખાસ પુનરાવર્તન પર પણ સવાલ ઉઠાવ્યા અને આરોપ લગાવ્યો કે ચૂંટણી પંચ ભાજપ સાથે મળીને ગરીબોના વોટ લૂંટી રહ્યું છે.

‘લોકસભામાં 100થી વધુ સીટો પર ગેરરીતિ’