1 કરોડથી વધુ કિંમતના મકાનોની કેમ વધી રહી છે ડિમાન્ડ, ભાવ પણ આસમાને

એક અહેવાલ મુજબ જૂન 2024માં દિલ્હી, નોઈડા, ગુરુગ્રામ, બેંગલુરુ અને મુંબઈ જેવા મોટા શહેરોમાં નિર્માણાધીન પ્રીમિયમ રહેણાંક મિલકતોની કિંમતોમાં 53 ટકાનો વધારો થયો છે. આ ગ્રોથમાં ગુરુગ્રામ મોખરે રહ્યું. રિપોર્ટમાં કહેવામાં આવ્યું છે કે મોટા શહેરોમાં પૂર્ણ થયેલા પ્રોજેક્ટ્સની કિંમતોમાં પણ 44 ટકાનો વધારો થયો છે. સેવિલ્સ ઈન્ડિયાના અહેવાલ મુજબ, આ ગ્રોથ પ્રીમિયમ હાઉસિંગ માર્કેટમાં મજબૂત માંગ દર્શાવે છે. આ ઉપરાંત, ભારતીય રિઝર્વ બેંક (RBI) દ્વારા સતત 7મી વખત વ્યાજ દરો સ્થિર રાખવાથી રેસિડેન્શિયલ માર્કેટને વેગ મળવાની અપેક્ષા છે. નોઈડા અને ઉત્તર ગોવામાં પણ ભાવમાં નોંધપાત્ર વધારો જોવા મળ્યો છે, જ્યારે મુંબઈ અને બેંગલુરુમાં નિર્માણાધીન પ્રોજેક્ટ્સની કિંમતોમાં પણ વધારો થયો છે.

 વધી રહી છે માંગ

છેલ્લા કેટલાક વર્ષોમાં મોટી રહેણાંક જગ્યાઓની માંગમાં વધારો થયો છે, જેના કારણે માત્ર મોટા એપાર્ટમેન્ટની માંગ જ નહીં પરંતુ વધુ રહેણાંક સુવિધાઓની માંગ પણ વધી છે. કોરોના રોગચાળા પછી, લોકો તેમના ઘરોમાં ક્વોલિટી લાઇફની અપેક્ષા રાખે છે, તેથી ડેવલપર્સ પ્રીમિયમ સુવિધાઓ સાથે મકાનો બનાવી રહ્યા છે. જમીનની વધેલી કિંમત પણ દરોમાં વધારાનું કારણ છે.

વધી રહ્યો છે આત્મવિશ્વાસ