10માંથી 9 મોબાઈલ યુઝર્સ કોલ ડ્રોપની સમસ્યાથી પરેશાન! વાઈફાઈ દ્વારા કોલ કરવાનું વધ્યું ચલણ

રિપોર્ટ અનુસાર, સર્વેમાં સામેલ 89 ટકા ગ્રાહકોને ફોન પર અન્ય લોકોનો સંપર્ક કરવાની અને ચાલુ કોલની વચ્ચે ડિસ્કનેક્ટ થવાની સમસ્યાનો સામનો કરવો પડ્યો છે. આ 89 ટકા લોકોમાંથી 38 ટકા લોકોને 20 ટકાથી વધુ કોલમાં સમસ્યાનો સામનો કરવો પડ્યો છે. કોલ ડ્રોપ્સ અંગે, 17 ટકા સહભાગીઓએ કહ્યું કે તેઓ તેમના અડધાથી વધુ કૉલ્સમાં સમસ્યાનો સામનો કરે છે, જ્યારે 21 ટકાએ કહ્યું કે તેમના 20-50 ટકા કૉલ્સ ડિસ્કનેક્ટ થઈ જાય છે અથવા અચાનક કનેક્શન ખોવાઈ જાય છે.

આવા ટ્રેન્ડ્સ આવ્યા સામે

લોકલસર્કલ્સના સ્થાપક સચિન ટાપરિયાએ જણાવ્યું હતું કે મોટાભાગના મોબાઈલ ગ્રાહકો કોલ કનેક્શન અને કોલ ડ્રોપ્સની સમસ્યાનો સામનો કરી રહ્યા છે. આવી સ્થિતિમાં, દર 10માંથી નવ લોકોએ કેટલાક કૉલ માટે ઇન્ટરનેટ કૉલ્સ અને વૉટ્સએપ જેવી એપ્સનો ઉપયોગ કરવાનું શરૂ કર્યું છે. સર્વે મુજબ છેલ્લા બે વર્ષમાં મોબાઈલ ગ્રાહકોમાં Wi-Fi દ્વારા કોલ કરવા માટે OTT એપ્સનો ઉપયોગ વધ્યો છે. આ એટલા માટે છે કારણ કે ગ્રાહકોને તેમના મોબાઇલ નેટવર્ક સાથે કનેક્ટિવિટી સમસ્યાઓ અને કૉલ ડ્રોપ્સનો સામનો કરવો પડે છે.

આ પણ વાંચો-CJI ચંદ્રચુડની બેન્ચે BMW પર લગાવ્યો 50 લાખનો દંડ, કસ્ટમર્સ સાથે છેતરપિંડીનો કેસ