CERT-In Alert: શું આપ Apple પ્રોડક્ટ્સનો ઉપયોગ કરો છો? તો રહો સાવચેત, સરકારી એજન્સીએ આપ્યું એલર્ટ

CERT-In Alert: જો તમે એપલ પ્રોડક્ટ્સનો ઉપયોગ કરો છો તો તમારા માટે ઉપયોગી સમાચાર છે. સરકારે એપલની કેટલીક પ્રોડક્ટ્સને લઈને એલર્ટ જાહેર કર્યું છે. સરકારે આ ડિવાઇસ પર સાયબર એટેકની શક્યતા વ્યક્ત કરી છે. જો તમે તમારો અંગત ડેટા સિક્યોર રાખવા માંગો છો તો તમારે સાવચેત રહેવાની જરૂર છે.

જો તમે iPhone અથવા Appleના કોઈપણ ડિવાઇસનો ઉપયોગ કરો છો તો તમારા માટે ઉપયોગી સમાચાર છે. ખરેખર, આઈફોન યુઝર્સ માટે ભારત સરકાર દ્વારા એલર્ટ જાહેર કરવામાં આવ્યું છે. ભારત સરકારની કોમ્પ્યુટર ઇમરજન્સી રિસ્પોન્સ ટીમ (CERT-IN) એ પણ iPhones તેમજ iOS, iPadOS, MacOS, Vision OS તેમજ SafariOS માટે એલર્ટ્સ જાહેર કર્યું છે.

CERT-IN એ એલર્ટ જાહેર કર્યું

જો તમે આઈફોન, મેકબુક જેવા ડિવાઇસનો ઉપયોગ કરી રહ્યા છો તો તમારે સાવધાન થઈ જવું જોઈએ. CERT-IN અનુસાર, હાલમાં ઘણા Apple ડિવાઇસ પર સાયબર એટેકનો ખતરો છે, તેથી સાવચેત રહેવાની જરૂર છે. જો તમે CERT-INની એલર્ટ્સને અવગણશો, તો તે તમને ભારે નુકસાન પહોંચાડી શકે છે.

CERT-In એ iPhone અને Appleના અન્ય વપરાશકર્તાઓને સલાહ આપી છે કે તેઓ સાયબર એટેકઓથી બચવા માટે તેમના ડિવાઇસને નવીનતમ સોફ્ટવેરમાં તાત્કાલિક અપડેટ કરે. CERT-In અનુસાર iPhones અને Appleના કેટલાક અન્ય ડિવાઇસમાં કેટલીક ખામીઓ જોવા મળી છે. જેના કારણે સાયબર ગુનેગારો સરળતાથી તમારા ફોનની ઍક્સેસ મેળવી શકે છે અને તમારો અંગત ડેટા ચોરી શકે છે.

આ OS વર્ઝન માટે મોટો ખતરો

Apple ડિવાઇસની વર્ઝન કે જેના માટે CERT-In દ્વારા એલર્ટ્સ જાહેર કરવામાં આવી છે તેમાં Apple iOS અને iPadOS ની 18.1.1 અને 17.7.2 પહેલાની વર્ઝન અને 15.1.1 પહેલાની macOS ની વર્ઝનનો સમાવેશ થાય છે. આ સિવાય એજન્સીએ Vision OS 2.1.1ના પ્રથમ વર્ઝન માટે પણ એલર્ટ્સ જાહેર કરી છે. સફારીના સંસ્કરણ 18.1.1 માટે CERT દ્વારા એલર્ટ્સ જાહેર કરવામાં આવી છે.