ગૂગલ લાવ્યું અદ્ભુત ફીચર, યુઝર્સ કોઈપણ ભાષામાં જોઈ શકશે YouTube વીડિયો, જાણો કેવી રીતે

યુટ્યુબ ઓટો ડબિંગ ફીચરઃ ટેક જાયન્ટ કંપની ગૂગલે તેના વીડિયો સ્ટ્રીમિંગ પ્લેટફોર્મ યુટ્યુબ પર એક નવું ફીચર સામેલ કર્યું છે, જે હવે યુટ્યુબ પર વીડિયો જોવા અને સમજવાનું સરળ બનાવશે. આ ફીચરનું નામ ઓટો ડબિંગ છે અને તે AI એટલે કે આર્ટિફિશિયલ ઈન્ટેલિજન્સની મદદથી કામ કરે છે. યુટ્યુબના નવા ફીચરની મદદથી હવે દુનિયાની ઘણી ભાષાઓમાં વીડિયો સરળતાથી જોઈ શકાશે.

આ ફિચર્સથી શું થશે?

આ ફીચરની મદદથી યુટ્યુબ આપમેળે એક ભાષામાંથી બીજી ભાષામાં વિડિયોનું ટ્રાન્સલેટ અને ડબ કરશે. મતલબ કે જો તમે અંગ્રેજીમાં વિડિયો અપલોડ કર્યો હોય, તો તેને ફ્રેન્ચ, જર્મન, હિન્દી, ઇન્ડોનેશિયન, ઇટાલિયન, જાપાનીઝ, પોર્ટુગીઝ અને સ્પેનિશ ભાષાઓમાં ડબ કરવામાં આવશે. તે જ સમયે, જો તમે આમાંથી કોઈપણ ભાષામાં વિડિઓ અપલોડ કર્યો છે, તો તે અંગ્રેજીમાં ડબ કરવામાં આવશે.

આ ફિચર્સ કેવી રીતે કામ કરશે?

YouTube વિડિઓઝને એક ભાષામાંથી બીજી ભાષામાં ટ્રાન્સલેટ કરવું એ એક પ્રકારનું મેજીક જેવું જ છે જે કમ્પ્યુટર્સ કરશે. યુટ્યુબનું આ ફીચર AI ટેક્નોલોજીની મદદથી કામ કરશે. આ ફીચર યુઝર્સ અને ખાસ કરીને ક્રિએટર્સ માટે ખૂબ જ ફાયદાકારક સાબિત થઈ શકે છે. જો કે, આ ટેક્નોલોજી હજુ પણ નવી છે, તેથી કેટલીકવાર અનુવાદમાં કેટલીક ભૂલો થઈ શકે છે. પરંતુ સમયની સાથે આ ટેક્નોલોજીમાં સુધારો કરવામાં આવશે.

કેવી રીતે ઉપયોગ કરવો?

આ ફિચર્સ હજી દરેક માટે ઉપલબ્ધ નથી. જોકે, કંપનીએ તેને રોલઆઉટ કરવાનું શરૂ કરી દીધું છે. હાલમાં આ ફિચર્સ કેટલીક સિલેક્ટેડ ચેનલો માટે ઉપલબ્ધ છે. જો આ ફિચર્સ તમારી ચેનલ માટે ઉપલબ્ધ છે, તો તમે તેને "ડિટેઇલ સેટિંગ્સ"માં જોઈ શકો છો. તમે ડબ કરેલા વિડિયોને પ્રકાશિત કરતા પહેલા તેની સમીક્ષા પણ કરી શકો છો.