Mahakumbh 2025 : વિવાહિત લોકોએ મહાકુંભમાં સ્નાન કરતા પહેલા આ નિયમો જાણી લેવા જોઈએ, તો જ મળશે સ્નાનનું ફળ

 Mahakumbh 2025 :  પ્રયાગરાજમાં થોડા દિવસોમાં મહાકુંભનો ભવ્ય કાર્યક્રમ યોજાવા જઈ રહ્યો છે. તેને હિંદુ ધર્મનો સૌથી મોટો તહેવાર માનવામાં આવે છે, મહાકુંભ 12 વર્ષમાં એકવાર યોજાય છે. જેનું આયોજન દેશના મુખ્ય યાત્રાધામો પર કરવામાં આવે છે. મહાકુંભ એ આસ્થા અને ધર્મનો સૌથી મોટો મેળો છે. એવું માનવામાં આવે છે કે મહાકુંભમાં સ્નાન કરવાથી વ્યક્તિને મોક્ષની પ્રાપ્તિ થાય છે અને તેના ભૂતકાળના તમામ પાપ નષ્ટ થઈ જાય છે.

આ જ કારણથી દેશ-વિદેશમાંથી કરોડો ભક્તો અને સંતો મહાકુંભમાં સ્નાન કરવા સંગમના કિનારે એકઠા થાય છે. કુંભ મેળાનું આયોજન દેશના કુલ 4 મુખ્ય ધાર્મિક શહેરોમાં થાય છે, જેમાં પ્રયાગરાજ, હરિદ્વાર, ઉજ્જૈન અને નાસિકનો સમાવેશ થાય છે.

મહાકુંભ ક્યારે શરૂ થાય છે?

પ્રયાગરાજમાં મહાકુંભ 13મી જાન્યુઆરીથી પોષ પૂર્ણિમાના દિવસે શરૂ થઈ રહ્યો છે અને તે 26મી જાન્યુઆરીએ મહાશિવરાત્રીના રોજ સમાપ્ત થશે. આ વખતે મહાકુંભમાં અંદાજે 40 કરોડ ભક્તો મેળામાં આસ્થાપૂર્વક સ્નાન કરશે. તે માત્ર એક ધાર્મિક તહેવારનું પ્રતીક નથી, પરંતુ તે આપણા સાંસ્કૃતિક અને સામાજિક વારસાનું પણ પ્રતિક માનવામાં આવે છે.