Bank in Nagpur: અચાનક બેન્કમાં ઘૂસ્યું પૂરનું પાણી, જોતજોતામાં બરબાદ થઇ ગયા 400 કરોડ રૂપિયા

Bank in Nagpur: મહારાષ્ટ્રના નાગપુરમાં નાગ નદીના પૂરના પાણી એક બેન્કમાં ઘૂસી જતાં 400 કરોડ રૂપિયાની નોટો બરબાદ થઈ ગઈ હતી. બેન્ક ઓફ મહારાષ્ટ્ર (BoM) ની સીતાબર્ડીના ઝોનલ ઓફિસ પૂરના પાણીમાં ડૂબી ગઈ હતી. જેના કારણે બેન્કમાં રાખવામાં આવેલી સો કરોડની નોટો ભીંજાઈ ગઈ હતી. બેન્કનું લેટેસ્ટ અપડેટ આરબીઆઇને આપવામાં આવ્યું છે. હાલમાં બેન્ક અધિકારીઓએ આ અંગે ટિપ્પણી કરવાનો ઇનકાર કર્યો છે. 23 સપ્ટેમ્બરે નાગ નદીના પૂરનું પાણી બેન્કના સ્ટ્રોંગ રૂમમાં ઘૂસી ગયું હતું. બેન્ક પરિસરમાંથી પાણી હટાવવામાં 24 કલાકથી વધુ સમય લાગ્યો હતો.

ટાઈમ્સ ઓફ ઈન્ડિયા દ્વારા શેર કરવામાં આવેલા વીડિયોમાં સ્પષ્ટપણે જોઈ શકાય છે કે બેન્કમાં પાણી ઘૂસી રહ્યું છે અને બેન્ક કર્મચારીઓ લાચાર બનીને જોઈ રહ્યા છે. જોકે, બેન્કના ઝોનલ મેનેજર વૈભવ કાળેએ તિજોરીમાં પાણી ભરાયેલ હોવાનો ઇનકાર કે પુષ્ટિ કરી નથી. નિષ્ણાતોએ કહ્યું કે કરન્સી બરબાદ થઈ ગઈ હોવા છતાં કોઈના પૈસા ક્યાંય ગયા નથી, બેલેન્સ શીટ યથાવત રહેશે. આ બેન્કનું ઉદ્ઘાટન 1967માં તત્કાલિન મુખ્યમંત્રી વસંતરાવ નાઈકે કર્યું હતું.

તમને જણાવી દઈએ કે આ ઘટના અંગે આરબીઆઈને જાણ કર્યા બાદ તપાસ શરૂ કરવામાં આવી છે. RBIએ ફાટેલી નોટો દૂર કરવા અને કરન્સી સેફ રિફિલ કરવા માટે એક નિરીક્ષણ ટીમ મોકલી છે. બેન્કના ટોચના અધિકારીઓ નોટોની ગણતરી અને સ્કેનિંગ કરી રહ્યા છે અને જે ફરીથી જારી કરી શકાતી નથી તેનો નાશ કરી રહ્યા છે. જો કે, જો બેલેન્સ ઘટે છે તો બેન્કે પોતે ચૂકવણી કરવી પડી શકે છે. ટીઓઆઇ સમાચાર અનુસાર, પૂણેની એક સરકારી બેન્ક પણ આવા જ સંકટનો સામનો કરી રહી છે.

આ પણ વાંચો - Jio World Plaza: મુંબઈમાં આજે ખુલ્યો Jio World Plaza, દેશના સૌથી મોટા લક્ઝરી મોલમાં હશે આ બ્રાન્ડ