Hyundai Creta EVની કિંમત અંગે આવ્યું એક મોટું અપડેટ, ફીચર્સ સહિત સંપૂર્ણ વિગતો અહીં જાણો

હ્યુન્ડાઇ મોટર ઇન્ડિયા 17 જાન્યુઆરીએ પોતાની નવી કાર ક્રેટા ઇલેક્ટ્રિક લોન્ચ કરવા જઈ રહી છે. આ કારનું બુકિંગ પણ 25,000 રૂપિયામાં શરૂ થઈ ગયું છે, જેની ડિલિવરી આવતા મહિને શરૂ થવાની ધારણા છે. કંપનીએ કારની કિંમત જાહેર કરી નથી, જેના કારણે તેના વિશે વિવિધ અટકળો લગાવવામાં આવી રહી છે. જોકે, લોન્ચ પહેલા, હ્યુન્ડાઇના સીઓઓ તરુણ ગર્ગે EV સ્પેસ વિશે કેટલીક રસપ્રદ માહિતી શેર કરી છે. CNBC TV18 સાથેના એક ઇન્ટરવ્યુમાં, ગર્ગે આ કારની કિંમત વિશે કેટલાક સંકેતો પણ આપ્યા છે.

હ્યુન્ડાઇ ક્રેટાની કિંમત કેટલી હોઈ શકે છે?

તરુણ ગર્ગ જણાવે છે કે હ્યુન્ડાઇ હાલમાં ભારતમાં ઇલેક્ટ્રિક વાહનો માટે 15 લાખથી 25 લાખ રૂપિયાની પ્રાઇસ બેન્ડને સૌથી યોગ્ય માને છે. તેમણે એ નથી કહ્યું કે ક્રેટા EVઆ કિંમતે લોન્ચ થશે કે નહીં, પરંતુ જો હ્યુન્ડાઇ ક્રેટા EV 15 લાખ રૂપિયા (એક્સ-શોરૂમ)માં લોન્ચ કરવામાં સફળ થાય છે, તો તે ટાટા ક્રેટા જેવા તેના તમામ સ્પર્ધકોને ટક્કર આપશે (તે MG ZS EV (રૂપિયા 17.5 લાખ) અને MG ZS EV (રૂપિયા 18.98 લાખ) કરતાં વધુ સારી કામગીરી કરશે.

ક્રેટા હ્યુન્ડાઇની સૌથી વધુ વેચાતી કારોમાંની એક છે. પહેલી વાર લોન્ચ થયા પછી તેના 11 લાખથી વધુ યુનિટ વેચાઈ ગયા છે. તરુણ ગર્ગે એમ પણ ઉલ્લેખ કર્યો હતો કે કંપનીએ ક્રેટા ઇલેક્ટ્રિકના ભાવ-મૂલ્ય સમીકરણને ડિઝાઇન કરતી વખતે સંપાદન ખર્ચ અને કુલ માલિકી ખર્ચ બંનેને ધ્યાનમાં લીધા છે. નાનું 42 kWh બેટરી પેક એટ્રેક્ટિવ કિંમતે ઉપલબ્ધ થઈ શકે છે, જ્યારે મોટું 51.4 kWh બેટરી પેક, જે વધુ પર્ફોમ કેપેસિટી (7.9 સેકન્ડમાં 0-100 કિમી/કલાક) સાથે આવે છે, તે થોડી વધુ કિંમતે ઉપલબ્ધ થશે.