EV 2W Sales: ભારતમાં ઇલેક્ટ્રિક વાહનોનો ક્રેઝ ઝડપથી વધી રહ્યો છે, ખાસ કરીને ઇલેક્ટ્રિક ટુ-વ્હીલરના વેચાણમાં જબરદસ્ત તેજી જોવા મળી રહી છે. સરકારના વાહન પોર્ટલના લેટેસ્ટ ડેટા અનુસાર, 29 જુલાઈ સુધીમાં વાર્ષિક ધોરણે ઇલેક્ટ્રિક ટુ-વ્હીલરનું રજિસ્ટ્રેશન 68% વધીને 1,73,294 યુનિટ્સ પર પહોંચી ગયું છે.
EV 2W Sales: ભારતમાં ઇલેક્ટ્રિક ટુ-વ્હીલરનું વેચાણ 68% ઉછળ્યું, TVS Motor બની નંબર-1, જાણો Ola Electricને કેમ લાગ્યો ઝટકો?
ભારતમાં ઇલેક્ટ્રિક ટુ-વ્હીલરના વેચાણમાં 68% નો મોટો ઉછાળો નોંધાયો છે. 27.3% માર્કેટ શેર સાથે TVS Motor માર્કેટ લીડર બની છે. જ્યારે Ola Electric ના માર્કેટ શેરમાં મોટો ઘટાડો નોંધાયો છે. જાણો લેટેસ્ટ સેલ્સ રિપોર્ટ.
MoneyControl Newsઅપડેટેડ Jul 30, 2026 પર 12:36 PM
જોકે, માસિક ધોરણે વેચાણમાં 11% નો ઘટાડો નોંધાયો છે. જૂન મહિનામાં કુલ 1,94,300 યુનિટ્સ વેચાયા હતા. આમ છતાં, જુલાઈ મહિનાનો આંકડો મે 2025 (1,05,620 યુનિટ્સ) અને જૂન 2025 (1,11,441 યુનિટ્સ) કરતાં ઘણો વધારે છે. સૌથી મોટી વાત એ છે કે, સળંગ પાંચમા મહિને ઇલેક્ટ્રિક ટુ-વ્હીલરનું વેચાણ 1.50 લાખ યુનિટ્સને પાર કરી ગયું છે.
આ સેલ્સ રિપોર્ટમાં TVS Motor એ પોતાનો દબદબો જાળવી રાખ્યો છે, જ્યારે દિગ્ગજ કંપની Ola Electric ને મોટો ફટકો પડ્યો છે. ચાલો જાણીએ કઈ કંપનીએ કેટલા વાહનો વેચ્યા.
કઈ કંપનીએ મારી બાજી?
TVS Motor: કંપનીએ આ મહિને 47,242 ઇલેક્ટ્રિક ટુ-વ્હીલરનું રજિસ્ટ્રેશન કરાવ્યું છે. આ સાથે 27.3% માર્કેટ શેર મેળવીને ટીવીએસ ટોચના સ્થાને એટલે કે નંબર-1 પર જળવાઈ રહી છે. જૂનમાં તેનો માર્કેટ શેર 24.3% હતો.
Bajaj Auto : 38,974 યુનિટ્સના વેચાણ અને 22.5% માર્કેટ શેર સાથે બજાજ ઓટો બીજા ક્રમે રહી છે.
Ather Energy : 25,907 યુનિટ્સના વેચાણ અને 14.9% માર્કેટ શેર સાથે એથર ત્રીજા સ્થાને છે.
Hero Motocorp: હીરોની EV બ્રાન્ડ 'Vida' એ આ મહિને 18,611 ઇલેક્ટ્રિક સ્કૂટર વેચ્યા છે અને માર્કેટમાં 10.7% નો હિસ્સો મેળવીને ચોથો ક્રમ પ્રાપ્ત કર્યો છે.
Ola Electric : એક સમયે માર્કેટ પર રાજ કરતી ઓલા ઇલેક્ટ્રિક આ મહિને માત્ર 11,880 યુનિટ્સ જ વેચી શકી છે. તેનો માર્કેટ શેર જૂનના 8.3% થી ઘટીને 6.9% થઈ ગયો છે, અને તે 5મા ક્રમે ધકેલાઈ ગઈ છે.
અન્ય કંપનીઓ: ટોપ-5 સિવાયની અન્ય બ્રાન્ડ્સના કુલ 30,680 વાહનો નોંધાયા છે, જે કુલ વેચાણના 17.7% છે.
Ola Electric નો માર્કેટ શેર કેમ ઘટી રહ્યો છે?
જુલાઈના આંકડા મુજબ ઓલા ઇલેક્ટ્રિક હવે EV 2W માર્કેટમાં પાંચમી સૌથી મોટી કંપની બની ગઈ છે. તેનો માર્કેટ શેર સતત ઘટી રહ્યો છે. મે 2025 માં ઓલા પાસે 18% અને જૂન 2025 માં 18.6% માર્કેટ શેર હતો, જે હવે ઘટીને સીધો 6.9% પર આવી ગયો છે.
જોકે, ફેબ્રુઆરી 2026 માં થયેલા માત્ર 4,035 યુનિટ્સના રજિસ્ટ્રેશનની સરખામણીમાં કંપનીએ જુલાઈમાં 11,880 યુનિટ્સ સાથે વેચાણ બમણાથી વધુ કર્યું છે, પરંતુ બજારમાં તેનો દબદબો પહેલા જેવો રહ્યો નથી.
જૂન કરતાં જુલાઈમાં વેચાણ કેમ ઘટ્યું?
ઇન્ડસ્ટ્રીના જાણકારોના મતે, જૂન મહિનામાં કંપનીઓ દ્વારા ઇલેક્ટ્રિક વાહનો પર ભારે ડિસ્કાઉન્ટ અને પ્રમોશનલ સ્કીમ્સ આપવામાં આવી હતી, જેના કારણે જૂનમાં વેચાણ ખૂબ ઊંચું રહ્યું હતું. જુલાઈમાં આમાંની મોટાભાગની ઑફર્સ પૂરી થઈ જતાં વેચાણ સામાન્ય સ્તરે આવી ગયું છે. જોકે, આગામી તહેવારોની સિઝનમાં નવી ઑફર્સ આવતાં જ માંગમાં ફરી મોટો ઉછાળો આવવાની પૂરી સંભાવના છે. દેશ-વિદેશમાં પણ ભારતીય ઇલેક્ટ્રિક ટુ-વ્હીલરની સારી માંગ જોવા મળી રહી છે.
ડિસ્ક્લેમર: આ માહિતી માત્ર જાણકારીના હેતુથી આપવામાં આવી છે. અહીં જણાવવું જરૂરી છે કે શેરબજારમાં રોકાણ એ બજારના જોખમોને આધીન છે. રોકાણકારોએ કોઈપણ જગ્યાએ નાણાં રોકતા પહેલા હંમેશા નિષ્ણાતની સલાહ લેવી જોઈએ. મનીકંટ્રોલ દ્વારા ક્યારેય પણ કોઈને રોકાણ કરવાની સલાહ આપવામાં આવતી નથી.
પહેલા મનીકંટ્રોલ ગુજરાતી પર ગુજરાતીમાં સ્ટોક માર્કેટ, Stock Tips, સમાચાર, પર્સનલ ફાઇનાન્સ અને બિઝનેસ સંબંધિત સમાચાર વાંચો. દૈનિક બજાર અપડેટ્સ માટે Moneycontrol App ડાઉનલોડ કરો.