Maldives: PM મોદીની લક્ષદ્વીપ મુલાકાત પર માલદીવના મંત્રીની પોસ્ટ પર વિવાદ, સોશિયલ મીડિયા પર ભડક્યાં યુઝર્સ

Maldives: વડાપ્રધાન નરેન્દ્ર મોદીએ તાજેતરમાં લક્ષદ્વીપની મુલાકાત લીધી હતી. પીએમ મોદીની લક્ષદ્વીપ મુલાકાતની તસવીરો સોશિયલ મીડિયા પર વાયરલ થઈ અને ભારતમાં માલદીવ અને લક્ષદ્વીપ વચ્ચેની સરખામણી શરૂ થઈ ગઈ. વાસ્તવમાં પીએમ મોદીએ દેશવાસીઓને લક્ષદ્વીપ જવાની અપીલ પણ કરી હતી. આ સરખામણી એટલી વધી ગઈ કે માલદીવની સરકાર પણ ચિંતિત થઈ ગઈ. હવે આ મામલે માલદીવના એક મંત્રી દ્વારા કરવામાં આવેલી પોસ્ટને લઈને વિવાદ ઉભો થયો છે.

માલદીવના મંત્રીઓએ તાક્યું નિશાન

માલદીવના મંત્રી અબ્દુલ્લા મોહજુમ મજીદે સોશિયલ મીડિયા પર એક પોસ્ટ શેર કરી હતી, જેમાં તેણે લખ્યું હતું કે, 'માલદીવના પ્રવાસનને લક્ષ્ય બનાવવા માટે હું ભારતીય પર્યટનને શુભેચ્છા પાઠવું છું, પરંતુ ભારતને આપણી વચ્ચેના પ્રવાસનથી સખત સ્પર્ધાનો સામનો કરવો પડશે. એકલા અમારા રિસોર્ટ ઈન્ફ્રાસ્ટ્રક્ચર તેમના સમગ્ર ઈન્ફ્રાસ્ટ્રક્ચર કરતાં વધુ છે. આ પોસ્ટમાં પીએમ મોદીને પણ ટેગ કરવામાં આવ્યા છે.

માલદીવના અન્ય એક નેતા ઝાહિદ રમીઝે સોશિયલ મીડિયા પર PM મોદી દ્વારા લક્ષદ્વીપમાં પ્રવાસન વધારવા વિશે લખ્યું, 'આ એક સારું પગલું છે, પરંતુ અમારી સાથે સ્પર્ધા કરવી એ એક ભ્રમણા છે. તેઓ આપણા જેવી સેવા કેવી રીતે આપશે? વળી, ત્યાંના બીચ સાફ કેવી રીતે રહી શકશે? રૂમમાં હંમેશા રહેતી ગંધ પણ સૌથી મોટો પડકાર છે.