હોર્મુઝની ખાડીમાં ભીષણ યુદ્ધ શરૂ, ઈરાને અમેરિકન અપાચે હેલિકોપ્ટર અને ડ્રોન તોડી પાડ્યા, અમેરિકાનો વળતો હુમલો

Battle Over Strait Of Hormuz: ઈરાન અને અમેરિકા વચ્ચેનો તણાવ હવે સીધા સૈન્ય ટકરાવમાં બદલાઈ ગયો છે. હોર્મુઝની ખાડીમાં બંને દેશો વચ્ચે ભીષણ યુદ્ધની શરૂઆત થઈ ગઈ છે. તાજેતરમાં જ ઈરાને ઓમાનના તટ પાસે અમેરિકન સેનાનું એક અપાચે હેલિકોપ્ટર તોડી પાડ્યું હતું, જેના બાદ હવે બુશહર પ્રાંતમાં એક અત્યાધુનિક અમેરિકન ડ્રોનનો પણ ખાતમો બોલાવ્યો છે. આ બેક-ટુ-બેક ઘટનાઓ બાદ બંને દેશો વચ્ચે સામસામી એરસ્ટ્રાઈકનો દોર શરૂ થઈ ગયો છે.

બુધવારે ઈરાનની ઈસ્લામિક રિવોલ્યુશનરી ગાર્ડ કોર્પ્સએ બુશહર પ્રાંતની ઉપર ઉડી રહેલા અમેરિકન સેનાના અત્યંત ખતરનાક અને આધુનિક મનાતા MQ-9 રીપર ડ્રોનને નિશાન બનાવ્યું. ઈરાની સેનાના સત્તાવાર નિવેદન મુજબ, આ ડ્રોન ફારસની ખાડીના ઉત્તરીય આકાશમાંથી યુદ્ધ ક્ષેત્રમાં દખલ કરવાનો અને આગળ વધવાનો પ્રયાસ કરી રહ્યું હતું. આ જ સમયે બુશહર પ્રાંતના જૈમ કાઉન્ટીમાં IRGC ની આધુનિક એર ડિફેન્સ સિસ્ટમે તેને હવામાં જ નષ્ટ કરી દીધું. આ અમેરિકન ડ્રોન ક્રેશ થવાનો વિડીયો પણ સોશિયલ મીડિયા પર ખૂબ વાયરલ થઈ રહ્યો છે.

આ પહેલા ઓમાનના તટ પાસે અમેરિકન સેનાનું અપાચે હેલિકોપ્ટર ક્રેશ થયું હતું. અમેરિકન રાષ્ટ્રપતિ ડોનાલ્ડ ટ્રમ્પે આ ઘટના માટે સીધી રીતે ઈરાનને જવાબદાર ગણાવ્યું છે. ટ્રમ્પે મીડિયાને જણાવ્યું કે, "ઈરાને અમારું હેલિકોપ્ટર તોડી પાડ્યું છે, અને તેનો જવાબ આપવો અત્યંત જરૂરી હતો. અમે અત્યારે પણ તેમના પર સતત વળતો પ્રહાર કરી રહ્યા છીએ. અમારું આ એક્શન ખૂબ જ મજબૂત અને શક્તિશાળી છે."

બંને દેશો વચ્ચે હુમલા અને વળતા પ્રહારનો સિલસિલો

અમેરિકાની એરસ્ટ્રાઈ

ડ્રોન તોડી પાડવાની ઘટના બાદ અમેરિકાએ રાષ્ટ્રપતિના આદેશથી ઈરાન પર 3 અલગ-અલગ લહેરમાં મોટા હવાઈ હુમલા કર્યા. અમેરિકન સેન્ટ્રલ કમાન્ડે આ કાર્યવાહીને 'આત્મરક્ષણ' ગણાવી છે. નૌકાદળ અને વાયુસેનાના ફાઈટર જેટ્સે ગાઈડેડ બોમ્બની મદદથી હોર્મુઝની ખાડી પાસે આવેલા ઈરાનના એર ડિફેન્સ સિસ્ટમ, રડાર સાઇટ્સ અને ગ્રાઉન્ડ કંટ્રોલ સ્ટેશનોને તબાહ કરી દીધા છે.

ઈરાનમાં જંગી નુકસાન