ટેલિકોમ ઇક્વિપમેન્ટના મેન્યુફેક્ચરિંગમાં ભારતનું વધ્યું વર્ચસ્વ, વિશ્વના ઘણા દેશોમાં થઇ રહ્યાં છે એક્સપોર્ટ

ભારતમાં બનેલા ટેલિકોમ ઇક્વિપમેન્ટ હવે 100થી વધુ દેશોમાં એક્સપોર્ટ કરવામાં આવી રહ્યા છે. કેન્દ્ર સરકાર દ્વારા આ માહિતી આપવામાં આવી છે. ગયા વર્ષે ભારતમાંથી 18.2 અબજ ડોલરના ટેલિકોમ ઇક્વિપમેન્ટ અને સર્વિસને એક્સપોર્ટ કરવામાં આવી હતી. ટેલિકોમ્યુનિકેશન વિભાગ હેઠળના ડિજિટલ કોમ્યુનિકેશન કમિશનમાં સભ્ય (ટેક્નોલોજી) મધુ અરોરાએ જણાવ્યું હતું કે ઘણી સ્થાનિક ટેલિકોમ કંપનીઓએ યુએસ જેવા પશ્ચિમી દેશોમાં સખત કોમ્પિટિશન હોવા છતાં ઇક્વિપમેન્ટ વેચવામાં સફળતા મેળવી છે.

ડિફેન્સ ઓપરેશનની કરોડરજ્જુ

તેમણે વધુમાં કહ્યું કે ભારતીય સેનાએ તાજેતરમાં સ્વદેશી રીતે વિકસિત ચિપ આધારિત 4G મોબાઈલ બેઝ સ્ટેશનને ઇન્ટીગ્રેટ કર્યું છે, જે અમારી R&D ફર્મ દ્વારા વિકસાવવામાં આવ્યું છે. રાષ્ટ્રીય રાજધાનીમાં આયોજિત 'ડિફેન્સ સેક્ટર ICT કોન્ક્લેવ'માં બોલતા અરોરાએ કહ્યું કે માહિતી અને સંચાર ટેકનોલોજી (ICT) સંરક્ષણ કામગીરીની કરોડરજ્જુ છે. વિદેશ મંત્રાલયના સંયુક્ત સચિવ અભિષેક સિંહે કહ્યું કે મંત્રાલય આઈસીટી ક્ષેત્રમાં આફ્રિકા સાથે સહયોગ વધારવા માટે કામ કરી રહ્યું છે.

આફ્રિકાના ટો5ના 5 ઇન્વેસ્ટર્સમાંથી એક

ભારત આફ્રિકામાં ટોચના પાંચ રોકાણકારોમાંનું એક છે. અત્યાર સુધીમાં વિવિધ આફ્રિકન દેશોમાં $75 બિલિયનનું રોકાણ કરવામાં આવ્યું છે. ઘણી ભારતીય કંપનીઓ આફ્રિકામાં ડિજિટલ ટ્રાન્સફોર્મેશનનું નેતૃત્વ કરી રહી છે. ટેલિકોમ ઇક્વિપમેન્ટ એન્ડ સર્વિસિસ એક્સપોર્ટ પ્રમોશન કાઉન્સિલ (TEPC)ના એક્ઝિક્યુટિવ ચેરમેન સંદીપ અગ્રવાલે જણાવ્યું હતું કે ભારતની સાર્વભૌમત્વ અને અખંડિતતા જાળવવા માટે ICT ખૂબ જ મહત્વપૂર્ણ છે. ભારત લાંબા સમયથી આફ્રિકા સાથે સહયોગ કરી રહ્યું છે અને તેની સાર્વભૌમત્વનું સન્માન પણ કરે છે. આ તેને આફ્રિકા માટે વિશ્વસનીય ભાગીદાર બનાવે છે.

આ પણ વાંચો - Paris Olympics 2024: મનુ ભાકરે 124 વર્ષ બાદ રચ્યો ઈતિહાસ, સરબજોત સિંહ સાથે દેશ માટે જીત્યો બીજો મેડલ