Israel Iran War: ઇઝરાયલની એર ડિફેન્સ સિસ્ટમ આનંદ મહિન્દ્રાએ કર્યા વખાણ, પોસ્ટ શેર કરીને ભારતને આપી આ સલાહ

Israel Iran War: અગ્રણી ઉદ્યોગપતિ આનંદ મહિન્દ્રાએ ઇઝરાયલની એર ડિફેન્સ સિસ્ટમની પ્રશંસા કરી છે જેમણે ઇરાન દ્વારા છોડવામાં આવેલી 300 બેલિસ્ટિક મિસાઇલોને અટકાવી હતી. તેમનું માનવું છે કે ભારતે પણ આવી જ મિસાઈલ વિરોધી પ્રણાલી વિકસાવવી જોઈએ. આપને જણાવી દઈએ કે આ દરમિયાન ઈરાન અને ઈઝરાયલ વચ્ચે યુદ્ધ ચાલી રહ્યું છે. ઈઝરાયલ તેના સંરક્ષણ સાધનો માટે ઘણું પોપ્યુલર છે. આ દેશમાં ઘણી અત્યાધુનિક પ્રણાલીઓ છે જે દુશ્મનના હુમલાને હવામાં જ નષ્ટ કરી શકે છે.

આયર્ન ડોમ સિસ્ટમ સિવાય, ઇઝરાયલ પાસે બીજી લાંબા અંતરની મિસાઇલ વિરોધી સિસ્ટમ ડેવિડ સ્લિંગ પણ છે. તેમની પાસે એરો 2 અને એરો 3 એન્ટી મિસાઈલ સિસ્ટમ પણ છે. ઇઝરાયલની વર્તમાન પરિસ્થિતિ માટે લેસર આધારિત એન્ટિ-મિસાઇલ સિસ્ટમ જેવી એર ડિફેન્સ સિસ્ટમ્સ ખૂબ જ મહત્વપૂર્ણ છે. ઈઝરાયલની આ સંરક્ષણ પ્રણાલીના પ્રશંસક આનંદ મહિન્દ્રાએ સૂચન કર્યું હતું કે ભારતે પણ રાષ્ટ્રીય સુરક્ષા માટે ઈઝરાયલ જેવી સંરક્ષણ પ્રણાલીમાં રોકાણ કરવું જોઈએ.

હંમેશની જેમ, સોશિયલ મીડિયા યુઝર્સે આનંદ મહિન્દ્રાની પોસ્ટ પર વ્યાપક પ્રતિક્રિયા આપી. આ પોસ્ટને 2.5 મિલિયન વ્યુઝ મળ્યા છે. આનંદ મહિન્દ્રાના ટ્વીટના જવાબમાં એક યુઝરે લખ્યું, "ખરેખર સમય આવી ગયો છે જ્યારે ભારતે સંરક્ષણ ક્ષેત્રે વધુ રોકાણ કરવું જોઈએ." એક યુઝરે લખ્યું કે, "ઈઝરાયલને અમેરિકા, ફ્રાન્સ, યુકે અને અન્ય દેશોનું સમર્થન પણ છે, જે ઈરાનના હુમલાને નિષ્ફળ બનાવી રહ્યા છે." અન્ય એક યુઝરે આનંદ મહિન્દ્રાના ટ્વીટ સાથે સહમત થતા લખ્યું કે, અમને ખરેખર આવી મજબૂત સિસ્ટમની જરૂર છે.