વિશ્વના 45% ઇન્સ્ટન્ટ ઓનલાઈન ટ્રાન્જેક્શન્સ માત્ર ભારતમાં જ થાય છે, નાણામંત્રીએ મજબૂત બેન્કિંગ સિસ્ટમ પર મૂક્યો ભાર

કેન્દ્રીય નાણા પ્રધાન નિર્મલા સીતારમણે કહ્યું હતું કે વર્ષ 2047 સુધીમાં ભારતને વિકસિત રાષ્ટ્ર અથવા 'વિકસિત ભારત' બનાવવાના એજન્ડાને આગળ વધારવામાં બેન્કિંગ ક્ષેત્રે મહત્વપૂર્ણ ભૂમિકા ભજવવી પડશે. બેન્ક ઓફ મહારાષ્ટ્રના 90માં સ્થાપના દિવસ પર આયોજિત એક કાર્યક્રમમાં બોલતા, નાણામંત્રીએ કહ્યું, "વડાપ્રધાન દ્વારા નિર્ધારિત કાર્યસૂચિને આગળ ધપાવવામાં બેન્કોએ મહત્વપૂર્ણ ભૂમિકા ભજવવી પડશે અને બેન્કોની ભૂમિકા સાથે, અમે તેને વેગ આપીશું.

બેન્કોએ વીમાની પહોંચ વધારવામાં મદદ કરવી પડશે

નાણાપ્રધાને જણાવ્યું હતું કે, બેન્કોએ ઇન્ફ્રાસ્ટ્રક્ચર સેક્ટરને ઝડપી ગતિ આપવા, MSME સેક્ટરને જરૂરિયાત આધારિત ફાઇનાન્સ પ્રોવાઇડ કરવા, બેન્કિંગ વિનાની વસ્તીને બેન્કિંગના દાયરામાં લાવવા અને વીમાની પહોંચ વધારવામાં મદદ કરવી પડશે. સીતારમને જણાવ્યું હતું કે ટેક્નોલોજી બેન્કિંગ લેન્ડસ્કેપને ઝડપથી બદલી રહી છે કારણ કે તે તમામ કસ્ટમર્સને સુરક્ષિત અને ઉપયોગમાં સરળ ડિજિટલ બેન્કિંગ અનુભવ પ્રોવાઇડ કરે છે. જો કે, આ સાથે તેમણે બેન્કોને ટેકનોલોજી સંબંધિત સુરક્ષા પર ભાર આપવા પણ કહ્યું હતું.

કોઈપણ જોખમને ટાળવા માટે મજબૂત બેન્કિંગ સિસ્ટમની જરૂર