Akshaya Tritiya 2026: ઘરે બેઠા માત્ર 1 રૂપિયામાં ખરીદો શુદ્ધ સોનું! જાણો કઈ એપ તમારા રોકાણ માટે છે સૌથી બેસ્ટ

Akshaya Tritiya 2026: હિન્દુ ધર્મમાં અક્ષય તૃતીયાના પવિત્ર દિવસે સોનું કે ચાંદી ખરીદવાનું વિશેષ મહત્વ છે. વર્ષ 2026 માં અક્ષય તૃતીયા 19 એપ્રિલના રોજ ઉજવવામાં આવશે. આ દિવસે સામાન્ય રીતે જ્વેલરી શોરૂમ પર ભારે ભીડ જોવા મળે છે, પરંતુ હવે સમય બદલાયો છે. હવે તમે ભીડમાં ગયા વગર, તમારા મોબાઈલની મદદથી ઘરે બેઠા 'ડિજિટલ ગોલ્ડ' ખરીદી શકો છો.

ડિજિટલ ગોલ્ડનો સૌથી મોટો ફાયદો એ છે કે તમે માત્ર 1 રૂપિયામાં પણ સોનામાં રોકાણ કરી શકો છો. આમાં તમારે સોનાની શુદ્ધતા કે તેને સાચવવાની ચિંતા કરવાની જરૂર રહેતી નથી. જો તમે પણ આ અક્ષય તૃતીયાએ સોનું ખરીદવાનું વિચારી રહ્યા છો, તો જાણી લો કઈ કઈ એપ્સ તમારા માટે બેસ્ટ સાબિત થઈ શકે છે.

1. Groww

જે લોકો નિયમનકારી (Regulated) અને સુરક્ષિત રીતે રોકાણ કરવા માંગે છે તેમના માટે ગ્રો એપ એક ઉત્તમ વિકલ્પ છે. અહીં ગોલ્ડ ETF અને ગોલ્ડ મ્યુચ્યુઅલ ફંડમાં રોકાણની સુવિધા મળે છે. જેમને માર્કેટનું જ્ઞાન છે તેઓ MCX પર ગોલ્ડ ફ્યુચર્સ અને ઓપ્શન્સમાં પણ ટ્રેડિંગ કરી શકે છે. આ બધું SEBI ના નિયમો હેઠળ આવતું હોવાથી તમારું રોકાણ વધુ સુરક્ષિત રહે છે.

2. Paytm

પેટીએમ એવા લોકો માટે બેસ્ટ છે જેઓ સમયાંતરે નાની રકમ સોનામાં રોકવા માંગે છે. આ પ્લેટફોર્મ MMTC-PAMP અને Augmont જેવા વિશ્વસનીય રિફાઇનર્સ સાથે જોડાયેલું છે.

તમે જે સોનું ખરીદો છો તે સુરક્ષિત વોલ્ટમાં રાખવામાં આવે છે. તમે ગમે ત્યારે આ સોનું વેચી શકો છો અથવા તમારા મિત્રો અને પરિવારને ગિફ્ટ પણ કરી શકો છો.