Income Tax: જાણો શું છે રિફંડ ફ્રોડ, આવકવેરા વિભાગે જાહેર કર્યું એલર્ટ

ઈન્કમટેક્સ રિટર્ન ભરવાની છેલ્લી તારીખ નજીક આવી રહી છે. હાલમાં ઘણા લોકો રિટર્ન ફાઈલ કર્યા બાદ તેમના રિફંડની રાહ જોઈ રહ્યા છે. સાયબર ક્રાઇમ કરનારાઓની પાપી નજર આ લોકો પર ટકેલી હોય છે. તેમને નિશાન બનાવવા માટે રિફંડની છેતરપિંડી શરૂ થઈ ગઈ છે. આવકવેરા વિભાગે રિફંડની રાહ જોઈ રહેલા લોકો સાથે છેતરપિંડી અંગે ચેતવણી જાહેર કરી છે. વિભાગે કહ્યું છે કે લોકોએ કોઈપણ જાળમાં ફસાવું જોઈએ નહીં અને આ છેતરપિંડીથી પોતાને બચાવવું જોઈએ.

ટેક્સપેયર્સે નકલી પોપ-અપ મેસેજીસ ટાળવા જોઈએ

આવકવેરા વિભાગે સોશિયલ મીડિયા પ્લેટફોર્મ X પર એક પોસ્ટમાં માહિતી આપી હતી કે કરદાતાઓએ નકલી પોપ-અપ મેસેજીસથી બચવું પડશે. વિભાગે તેમને આવા મેસેજીસનો શિકાર ન થવાની સલાહ આપી છે. સાયબર ગુનેગારોએ કરદાતાઓના બેન્ક એકાઉન્ટમાંથી નાણાંની ચોરી કરવા માટે આવકવેરા રિફંડનો હથિયાર તરીકે ઉપયોગ કર્યો છે. આ લોકો નકલી મેસેજ મોકલીને બેન્ક એકાઉન્ટની માહિતી મેળવવા માંગે છે. દેશભરમાં રિફંડની છેતરપિંડીના અનેક મામલા પ્રકાશમાં આવ્યા બાદ આવકવેરા વિભાગે કરદાતાઓ માટે એડવાઈઝરી જાહેર કરી છે.

આ રીતે લોકો સાથે છેતરપિંડી